Les Pages Jèrriaises

Un rêve

J'avais tchiquechose dans man rêve tchi 'tait "cáéstonnée" mais j'ai oublié tch'est qu'chenna veurt dithe et tch'est qu'ch'tait tchi 'tait cáéstonnée. Nou-s-avait mîns man nom bas pouor eune examinnâtion en Angliais. J'mênagis d'trouver un vièr syllabus tch'avait eune longue liste dé sujets sus tchi qu'nou pouôrrait êcrithe. J'avais emprunté des livres. J'tais à l'hôtel et j'mé d'mandis si ch'tait à l'hôtel qué j'avais emprunté iun des livres. Mais quand jé d'mandis ès bas à la réception nou m'dit qu'l'hôtel avait des livres à prêter mais l'livre qué j'avais 'tait sans doute emprunté tchiquebord d'aut'. La ville avait un châté ou des remparts tchi 'taient eune haute-ville où'est qu'i' y'avait des restaurants. Chutte séthée-là l'solé lithait et j'pensais qu'i' s'sait d'mêtchi d'aller mangi dans un restaurant dans la haute-ville. Y'avait eune sente en gravi tch'amontait à drouaite et tch m'nait à la haute-ville, mais j'décidis qué j'n'avais pon assez d'temps pouor y'aller mangi.

Rêvé l'30/9/2022
 

Viyiz étout:

 

Les Pages Jèrriaises