J'tais sus un avion tchi 'tait à voler à Londres. J'têmes pouor attèrri à l'Aéroport d'la Cité, mais j'arrivînmes à la côte et c'menchînmes dêliêment à d'valer. Y'avait un c'mîn d'attèrrissage près d'la côte auve eune pétite ville à l'entou. Ché n'tait pon Londres. L'avion pâssit par dessus des maîsons au but du c'mîn et au run d'attèrri sus l'grand c'mîn d'attèrrissage siêthit un pus p'tit c'mîn au pouorportant du grand à dêtre. Ch'tî-chîn n'tait pon d'laîze et avait des bouais alîngnis entre li et l'grand c'mîn. D'attèrri n'tait pon aîsi pouor les pilotes, viyant qu'i' y'avait d's êtentes dé lînge lé travèrs du c'mîn par cause des maîsons bâties à dêtre. Au mitan du c'mîn l'avion eût à sauter par dessus un jet dg'ieau. Quand j'attèrrînmes les pilotes fîtent eune pliainte par cause du jet dg'ieau tchi n'avait pon 'tait s'posé d'êt' bâti là.
Rêvé l'31/3/2024
Viyiz étout: