J'tais dans eune salle où'est qu'i' y'avait eune lectuthe en allant. La salle 'tait grande mais y'avait de pilièrs et muthâles tch'empêchaient les gens assis en driéthe dé vaie la strade. Y'avait d's êcrans en driéthe tchi mouontraient chein tchi s'pâssait à l'avant sus la strade mais ché n'tait pon bein conv'nabl'ye et nou n'ouïyait dgéthe les discours.
J'avanchais dans l'mitan d'la salle à seule fîn d'ouï et vaie mus, et j'm'appyis contre ieune des muthâles mais par achocrise jé coutinnis l'bouton pouor alleunmer les grandes veues d'la salles et y'eut eune êcliaith'thie gênante d'la salle tchi ravit l'audienche. Tout coumme en bouogeant j'lâtchis l'bouton et les grandes veues fûtent dêtouônnées, laîssant les p'tites veues sus la strade à êcliaithi les cheins tchi 'taient à faithe les discours.
Ch'tait entouor l'histouaithe et nou-s'explyitchaient chein qu'des Romains avaient à faithe quand lus objets sâcrés avaient 'té disteurbés. Ch'tait d'rempliaichi l's êcales d'hîtres arreunées sus l'trône ou l'auté en forme d'êventail.
Rêvé l'29/2/2024
Viyiz étout: