J'tais assis sus la montée en bouais tchi m'nait au véranda d'eune maîson et man joueux d'mp3 avait tchée d'sus les d'grés. Eune femme tchi 'tait à chein tchi pathaîssait ma grande-tante 'tait là. Ou portait un long blianc fro, et ou voulait prendre man joueux d'mp3. Jé n'voulais pon qu'ou m'lé prînsse. D'sus la montée oulle aveingnit la machinne-chouette et ou l'éthait happé, mais jé m'battais auve lyi pouor r'aver man joueux. La grande-tante 'tait eune chorchiéthe et s'touônnait en un nièr cat. J'happis l'cat atout eune cheintuthe, et né v'là l'cat enhèrmélé. J'm'en fus avaû la rue, où'est qu'i' y'avait un blio d'trafi, en craûlant l'cat dans la cheintuthe. Lé cat littait à seule fîn dé s'libéther mais j'touôngnolais la cheintuthe auve lé cat au but à seule fîn d'lé garder êbézoui. Les cacheurs dé vaituthes et lus pâssagièrs m'èrgardaient et j'lus dis dé n'pon lus gêner et lus explyitchis qué ché n'tait pon un cat, ch'tait ma grande-tante.
Rêvé l'3/1/2024
Viyiz étout: