J'tais dans un thiâtre où'est qu'eune chant'rêsse d'opéra 'tait pouor présenter des chansons. Mé, j'tais s'posé d'chanter des buts auve lyi. Ch'tait des p'tits buts qué j'tais pouor chanter et heutheusement la musique 'tait gravée sus un ais en pliastique transpathent du bord dé s'nêtre dé la strade. L'ais 'tait illeunminné et don la musique gravée dans l'pliastique 'tait vîsibl'ye. J'pouvais aller à l'ais duthant la présentâtion pouor m'ramémouaither d'la musique (ma partie d'la présentâtion 'tait dé m'èrmuer par la strade en chantant chutte musique dé fond quandi qu'la chant'rêsse chantait ses chansons à l'avant d'la strade). J'n'avais pon hardi d'confianche pouor chanter. Y'avait d's aut' chanteurs étout. Tout coumme quand l'audienche 'tait là et la présentâtion 'tait en allant, la chant'rêsse oublyit la musique et tchittit la strade. La direction mé d'mandit si j'tais prêt pouor faithe un discours au sujet d'la poésie. J'dis qu'oui et nou-s'înstâllit un tchiâtre en pliastique transpathent à l'avant d'la strade pouor qué j'pûsse pâler driéthe.
Rêvé l'2/9/2024
Viyiz étout: