J'vos souhaitons un jouaiyeux Noué We wish you a Merry Christmas J'vos souhaitons un jouaiyeux Noué, J'vos souhaitons un jouaiyeux Noué, J'vos souhaitons un jouaiyeux Noué, Et eune heûtheuse année! Jé chantons ichîn Pouor touos nos anmîns, J'vos souhaitons un jouaiyeux Noué, Et eune heûtheuse année! Et j'aim'thons mangi du podîn Et j'aim'thons mangi du podîn Et j'aim'thons mangi du podîn Faut nos en donner! Jé chantons ichîn Pouor touos nos anmîns, J'vos souhaitons un jouaiyeux Noué, Et eune heûtheuse année!     Lé Fis d'Marie Mary's Boy Child   Y'a bein longtemps à Bethléem, d'après chein qu'la Bibl'ye nos dit, lé fis d'Marie, Jésû Christ, fut né lé jour dé Noué. Êcoutez les Anges qui chantent, Un nouvieau Roué est né. Et l'homme vivra êtèrnellement à cause du jour dé Noué. Trompettes sonnent et les Anges chantent, Êcoutez chein qu'i' dîsent: Qué l'homme vivra êtèrnellement à cause du jour dé Noué. Gardant lus troupieaux à l'ouvèrt, Les bèrgers ouîtent un chant au liain, Vîtent eune êtaile parfaite Qui brillait dans lé ciel si bein. Et Joseph et sa femme Marie Vîntent à Bethléem chutte niet, Et n'pûtent pas trouver même eune chambre Où'est qu'l'êfant pouvait être né. Êcoutez les Anges qui chantent, Un nouvieau Roué est né. Et l'homme vivra êtèrnellement à cause du jour dé Noué. Trompettes sonnent et les Anges chantent, Êcoutez chein qu'i' dîsent: Qué l'homme vivra êtèrnellement à cause du jour dé Noué. Bétôt i' trouvîtent un p'tit coin, Et là, dans eune êtabl'ye sombre, Auvec les bêtes pour compangnie, Jésû fut né au monde. Y'a bein longtemps à Bethléem, D'après chein qu'la Bibl'ye nos dit, Lé fis dé Marie, Jésû Christ, Fut né lé jour dé Noué. Êcoutez les Anges qui chantent, Un nouvieau Roué est né. Et l'homme vivra êtèrnellement à cause du jour dé Noué. Trompettes sonnent et les Anges chantent, Êcoutez chein qu'i' dîsent: Qué l'homme vivra êtèrnellement à cause du jour dé Noué.     Bethléhem Mary's Boy Child À Bethléhem, ville dé Judée, Il est dit dans la Bibl'ye, Jésû Christ, lé fis dé Dgieu, Fut né lé jour dé Noué. Êcoutez les anges tchi chantent L'histouaithe pouor té et mé: I' disent qu'aniet lé fis d'Mathie À Bethléhem est né! Joseph, Mathie et la p'tite âne Trouvîtent eune vielle êtabl'ye. Ch'tait là qu'lé p'tit Jésû fut né, L'Êfant si adouothabl'ye. Êcoutez les anges tchi chantent L'histouaithe pouor té et mé: I' disent qu'aniet lé fis d'Mathie À Bethléhem est né! Les bèrgers dans l'côti couochis Vîtent la brillante êtaile, Et ouïtent lé chant tchi v'nait d'en haut Lus dithe les bouonnes nouvelles. Êcoutez les anges tchi chantent L'histouaithe pouor té et mé: I' disent qu'aniet lé fis d'Mathie À Bethléhem est né! Les Trais Sages Hommes et les bèrgers S'en fûtent l'Êfant trouver; Et dans l'êtabl'ye, sus l'fain couochi, Lé p'tit Jésû dormait. Êcoutez les anges tchi chantent L'histouaithe pouor té et mé: I' disent qu'aniet lé fis d'Mathie À Bethléhem est né! Sonnez les clioches, chantez en glouaithe, Not' nouvieau Rouai est né, Et l'homme viv'tha êtèrnellement À cause du jour dé Noué! Êcoutez les anges tchi chantent L'histouaithe pouor té et mé: I' disent qu'aniet lé fis d'Mathie À Bethléhem est né!     Oh v'nez, touos les fidèles Adeste fideles Oh come all ye faithful   Oh v'nez, touos les fidèles, Jouaiyeurs et triomphants! V'nez, v'nez, oh, v'nez, v'nez à Bethlehem. Viyiz lé né, Rouai dé touos les anges. Oh v'nez, v'nez l'adouother, Oh v'nez, v'nez l'adouother, Oh v'nez, v'nez l'adouother, Christ lé Rouai! Dgieu dé Dgieu, Lueu dé Lueu, Dé la Sainte Vièrge, il est né Lé vrai Dgieu, Né pouor nous, pas créé. Oh v'nez, v'nez l'adouother, Oh v'nez, v'nez l'adouother, Oh v'nez, v'nez l'adouother, Christ lé Rouai! Mâges, m'nés par l'êtaile, Adouothant l'Saint Êfant, Li donnent d'l'enchens, d'l'or et d'la myrrhe. À ch't'êfant Jésû, Nous, j'offrons nos tchoeurs. Oh v'nez, v'nez l'adouother, Oh v'nez, v'nez l'adouother, Oh v'nez, v'nez l'adouother, Christ lé Rouai! Laîssant lus troupieaux, Les bèrgers sont app'lés. Humbl'yement don i's'en vont jusqu'au bèr. D'un pas jouaiyeux, J'y hâtons étout. Oh v'nez, v'nez l'adouother, Oh v'nez, v'nez l'adouother, Oh v'nez, v'nez l'adouother, Christ lé Rouai! Chantez des cantiques, Anges et hoummes ensemb'lye! Auve les vouaix dé touos les tchoeurs célestes: "Glouaithe sait à Dgieu, Dans les pus hauts lieux!" Oh v'nez, v'nez l'adouother, Oh v'nez, v'nez l'adouother, Oh v'nez, v'nez l'adouother, Christ lé Rouai! Lé Nouvieau-né Tch'appathut aniet, Jésû, la glouaithe sait à té: Du Péthe Êtèrnel, La Pathole en chai. Oh v'nez, v'nez l'adouother, Oh v'nez, v'nez l'adouother, Oh v'nez, v'nez l'adouother, Christ lé Rouai!     Oh, v'nez, oh v'nez, Emmanuel! O come, O come, Emmanuel   Oh, v'nez, oh v'nez, Emmanuel! Ach'teu libéthez Israel Tchi gronne et plieuthe à san tout seu, Sépathé du Fis dé Dgieu. Tchi jouaie! Tchi jouaie! Emmanuel Est né pour té, Oh Israel! Oh, v'nez, oh v'nez, oh Sinne dé Jeu! Oh v'nez et êcliaithiz-nous ach'teu! Cachiz les niéthes nuées d'la niet Et touos les ombres tchi nouos êffraient. Tchi jouaie! Tchi jouaie! Emmanuel Est né pour té, Oh Israel! Oh, v'nez, oh v'nez, Réchinne d'Isaï! Dé d'ssous les pids d'la tyrannie, Et des terreurs d'la fôsse et d'l'enfé Saûvez tan peupl'ye et m'nez-les. Tchi jouaie! Tchi jouaie! Emmanuel Est né pour té, Oh Israel! Oh, v'nez, oh v'nez, Êtèrnel Dgieu, La majesté et glouaithe des cieux! À Sinaï, sus l'saint coupé, Tu donnis à tan peupl'ye tes louais. Tchi jouaie! Tchi jouaie! Emmanuel Est né pour té, Oh Israel!     Lé housse et lé hièrru The holly and the ivy   Lé bieau housse et lé hierru Quand i'sont touos bein crus, Dé-é touos les bouais tchi sont d'la forêt Ch'est l'housse qué j'aimons l'mus. Lé solé l'vant lé matîn, La vaque, l'âne et lé boeu, Les-es chansons d'Noué jouées sus l'orgue, La-a belle chant'tie du tchoeu! Lé housse, i' craît des rouoges pommes Tchi sont bein amièrties, E-et Marie fit naître Jésû Tchi-i nos donnit sa vie. Lé solé l'vant lé matîn, La vaque, l'âne et lé boeu, Les-es chansons d'Noué jouées sus l'orgue, La-a belle chant'tie du tchoeu! Lé housse, i' craît eune p'tite flieur Tchi est blianche comme la né E-et Marie fit naître Jésû Pou-our sauver té et mé Lé solé l'vant lé matîn, La vaque, l'âne et lé boeu, Les-es chansons d'Noué jouées sus l'orgue, La-a belle chant'tie du tchoeu! Lé housse, il a des pitchets I' faut qué j'prannons soin, E-et Marie fit naître Jésû Lé jour dé Noué, l'matîn. Lé solé l'vant lé matîn, La vaque, l'âne et lé boeu, Les-es chansons d'Noué jouées sus l'orgue, La-a belle chant'tie du tchoeu!     Oh Tchi Douoche Niet Silent night, Holy night   Oh tchi douoche niet! oh tchi sainte niet! Tout est calme, tout est bé. Viy'ous la Méthe Vièrge dévant San pétit, chu Saint Êfant? Dors en paix céleste, Dors en paix céleste! Oh tchi douoche niet! oh tchi sainte niet! Rouais et bergers veinnent Lé vaie. L'air est pliein dé cantiques jouaiyeux Chantés par les anges ès cieux: Christ, not' Sauveur est né, Christ, not' Sauveur est né! Oh tchi douoche niet! oh tchi sainte niet! Tout est calme, tout sé tait. Viy'ous ch't'Êfant adouothabl'ye Couochi dans eune pouôrre êtabl'ye? Ch'est lé Fis dé Dgieu, Ch'est lé Fis dé Dgieu! Oh tchi douoche niet! oh tchi sainte niet! L'êtaile lît, tout est cliai. L'Êfant dort en paix et souorit J'trouv'thons not' salut en Li: Christ au monde est donné, Christ au monde est donné!     Qué Dgieu vos garde heutheurs, bouannes gens God rest you merry gentlemen Qué Dgieu vos garde heutheurs, bouannes gens, I faut bein cêlébrer! Vous souv'n'ous qué Christ, not' Sauveur, Fut né, chutte fête dé Noué, À seule fîn d'nos saûver du dgiâbl'ye, Pardonner nos pêchés? Tchi nouvelles dé bonheu et jouaie, Bonheu et jouaie, Tchi nouvelles dé bonheu et jouaie! Et Dgieu, not' Péthe, envyit un ange Tch' appathut dans lé ciel, Et r'contit à cèrtains bèrgers Chutte mèrveilleuse nouvelle: Qué dans la ville dé Bethlehem Fut née eune vraie mèrvelle. Tchi nouvelles dé bonheu et jouaie, Bonheu et jouaie, Tchi nouvelles dé bonheu et jouaie! Les bèrgers ouîtent les mots dé l'ange, Tchi les remplyîtent d'esprit. I' laîssîtent trantchil'yes dans les clios Lus troupieaux dé brébis, Et i' trouvîtent à Bethlehem Lé Fis dé Dgieu couochi. Tchi nouvelles dé bonheu et jouaie, Bonheu et jouaie, Tchi nouvelles dé bonheu et jouaie! Bouannes gens, au Seigneu chantez bein! Vous, Madanme! Vous, Moussieu! Et embraichiz la compangnie, Châque anmîn, fréthe et soeu! Ch'est la belle fête jouaiyeuse dé Noué Qué j'cêlébrons acht'heu. Tchi nouvelles dé bonheu et jouaie, Bonheu et jouaie, Tchi nouvelles dé bonheu et jouaie!     Parmi la g'lée d'hivé In the Bleak Mid-Winter Parmi la g'lée d'hivé I' ventait si fraid L'ieau coumme d'la pièrre sembliait La tèrre coumme du fé I' tchiyait d'la né sus né Né sus né Parmi la g'lée d'hivé Y'a bein des années Ni chu monde ni l'Paradis N'est trop humbl'ye pouor Li Dgieu aime tant l'monde entchi Qu'I' donnit San Fis. Parmi la g'lée d'hivé L'êtabl'ye 'tait assèz Pouor not' Dgieu, Rouai des Rouais - Chu p'tit saint bébé. Tch'est qué j'peurs Lî donner, Eune pouôrre âme coumme mé? Si j'tais iun des bèrgers, J'donn'nais un angné. Si j'tais iun des Trais Rouais, Jé Lî f'thais honneu. Tout chein qué j'peurs donner, Jé Lî donne - man tchoeu.     Ouïy'-ous la chanson dé jouaie? Hark, how all the welkin rings (Hark, the Herald Angels Sing) Ouïy'-ous la chanson dé jouaie? “Christ est né, lé Rouai des Rouais! Dans la paix, séyiz heutheurs! Dgieu a saûvé les pécheurs!” Lév'-ous, les nâtions d'la Tèrre, Chantez auve tout l'Unnivèrs; La natuthe a procliâmé: “Lé Seigneu est né aniet!” La natuthe a procliâmé: “Lé Seigneu est né aniet!” Christ, adouothé dans les cieux, Jésû Christ est not' Seigneu. Viyiz dans l'êtabl'ye bèrchi L'êfant dé la Vièrge Mathie! Adouothons à tout janmais Dgieu habilyi dans la chai Tch'appathaît coumme nous siez nous, Not' Emmanuel, not' Jésû! Tch'appathaît coumme nous siez nous, Not' Emmanuel, not' Jésû! Adouothons lé Prînce d'la Paix, Tch'apporte la Vie et la Jouaie, La Justice et la Santé: Not' Seigneu èrssuscité! Toute sa glouaithe il a laîssi; Nou n'étha pus peux d'mouothi; Il est né pouor nos êl'ver, Pouor qué j'séyons nés dèrché. Il est né pouor nos êl'ver, Pouor qué j'séyons nés dèrché. Lé D'si des Nâtions est v'nu Pouor nos offri san Salut. Prend ta victouaithe, Fis d'Mathie, Sus l'Dgiâbl'ye et san mauvaîtchi. Fai-nous saver tan pouvé En saûvant l'monde ruinné; Tout s'sa rêunni aniet: Té en nous et nous en té. Tout s'sa rêunni aniet: Té en nous et nous en té.     O Arbre dé Noué O Tannenbaum O Arbre dé Noué! O Arbre dé Noué! Tes fielles sont tréjous auve mé. O Arbre dé Noué! O Arbre dé Noué! Tes fielles sont tréjous auve mé. I' sont belles et vèrtes en Êté Et acouo quand i' tchait d'la né. O Arbre dé Noué! O Arbre dé Noué! Tes fielles sont tréjous auve mé. O Arbre dé Noué! O Arbre dé Noué! Tchi bonheu dans ta bieauté! O Arbre dé Noué! O Arbre dé Noué! Tchi bonheu dans ta bieauté! Tu'es tréjous à nos faithe penser À la niet quand Jésû fut né. O Arbre dé Noué! O Arbre dé Noué! Tchi bonheu dans ta bieauté! O Arbre dé Noué! O Arbre dé Noué! Ta forche est coumme San pouvé. O Arbre dé Noué! O Arbre dé Noué! Ta forche est coumme San pouvé. Il enduthe à l'êtèrnité Craîssant en amour et espé. O Arbre dé Noué! O Arbre dé Noué! Ta forche est coumme San pouvé.     Lé Preunmié Noué The First Nowell Lé preunmié Noué qué l'ange annoncit 'Tait à cèrtains pouôrres bèrgers ès clios couochis, Ès clios couochis, gardant lus brébis Par eune fraide niet d'hivé tch'était approfondie Noué, Noué, Noué, Noué, Ach'teu lé Rouai d'Israël est né! I' vîtent dans l'ciel eune grande êtaile Et sus chu monde, la lueu 'tait belle Dé liain ou v'nait, dé l'êst ou lithait Et la glouaithe continnuait jour et niet Noué, Noué, Noué, Noué, Ach'teu lé Rouai d'Israël est né! Et par la lueu d'l'êtaile tchi lithait Trais Mages dé difféthents pays vénaient Lus întention 'tait d'chèrchi un rouai Et d'siéthe l'êtaile là où'est qu'oulle allait Noué, Noué, Noué, Noué, Ach'teu lé Rouai d'Israël est né! L'êtaile s'appraichit du nord-vouêt Et à Bethlehem apportit grande jouaie Et là ou s'arrêtit et restit Là où'est qué not' Jésus Christ 'tait couochi. Noué, Noué, Noué, Noué, Ach'teu lé Rouai d'Israël est né!     Ideo Gloria in Excelsis Deo Personent hodie (On this day Earth shall ring) Lé monde a ouï aniet Les cantiques et les vouaix D's êfants tchi chantent dé jouaie, Car not' Sauveur fut né Par lé Bouan Dgieu donné Ideo-o-o, Ideo-o-o, Ideo Gloria in Excelsis Deo Dans chu monde I' fut né, Dans du langeu fretté, Dans un tro, I' dormait Auve les bêtes dé l'êtabl'ye, Hors lé pouver du dgiabl'ye Ideo-o-o, Ideo-o-o, Ideo Gloria in Excelsis Deo Les trais Mâges y vénaient, Chèrchant pouor chu Bébé, Chèrchant pouor chu Bébé. L'êtaile les attithait Pouor lé P'tit admither Ideo-o-o, Ideo-o-o, Ideo Gloria in Excelsis Deo Les minnistres et les gens, Auve les anges et l's êfants, Chantons tous lé même chant: Dans chu monde Tu d'cendis, I' nos faut Té louangi! Ideo-o-o, Ideo-o-o, Ideo Gloria in Excelsis Deo     Anges des régions dé la glouaithe Angels from the realms of glory Anges des régions dé la glouaithe, Passez par-'chîn à ces sé. Ous racontez toute l'histouaithe Comment not' Saûveur est né. Gloria in excelsis Deo Dans les clios i'y a des bèrgers, Châtchun gardant san troupé. Dgieu ès hommes est v'nu d'meuther. Adouothons chu saint bébé. Gloria in excelsis Deo Mages, laîssez vos contemplâtions, I'y a dé pus grande importance. Chèrchiz lé dési des nâtions. L'êtaile annonce sa naîssance. Gloria in excelsis Deo     Jé vai les vailes dé trais batchieaux I saw three ships come sailing in Jé vai les vailes dé trais batchieaux, Chutte fête dé Noué, chutte fête dé Noué, Jé vai les vailes dé trais batchieaux, Chutte fête dé Noué, lé matîn. Et tch'est qu' i'y a dans ches batchieaux, Chutte fête dé Noué, chutte fête dé Noué? Et tch'est qu'i'y a dans ches batchieaux, Chutte fête dé Noué, lé matîn? Jésû, not' Sauveur et sa Danme, Chutte fète dé Noué, chutte fète dé Noué, Jésû, not' Sauveur et sa Danme, Chutte fête dé Noué, lé matîn. Et iou qu'i' vont, ches trais batchieaux, Chutte fête dé Noué, chutte fête dé Noué? Et iou qu'i' vont, ches trais batchieaux, Chutte fête dé Noué, lé matîn? O i's'en vont à Bethlehem, Chutte fête dé Noué, chutte fête dé Noué. O i's'en vont à Bethlehem, Chutte fête dé Noué, lé matîn. Et toutes les clioches, i' vont sonner, Chutte fête de Noué, chutte fête de Noué, Et toutes les clioches s'en vont sonner, Chutte fête dé Noué, lé matîn. Et tous les anges, s'en vont chanter, Chutte fête dé Noué chutte fête de Noué Et tous les anges, s'en vont chanter, Chutte fête dé Noué, lé matîn. J'allons chanter, j'allons chanter, Chutte fête dé Noué, chutte fête de Noué, J'allons chanter, j'allons chanter, Chutte fête dé Noué, lé matîn.     Des bèrgers gardaient lus troupieaux While shepherds watched their flocks by night Des bèrgers gardaient lus troupieaux, Paisibliément assis, Quand l'Ange du Seigneur décendit Et la niet s'êcliairit. "I' n'faut pas craindre" I' lus dit, "Ni vous troublier l'esprit, Dé bouannes nouvelles jé vos apporte, Pouor toute l'humannité" "Pouor vous aniet à Bethlehem, Un Saûveu vous est né Et chu Saûveu, ch'est Jésû Christ, Et ch'en est 'chîn la preuve: L'Êfant céleste ou trouverez I' là en veue d'tout l'monde, Et bein pouôrrement enmailloté Dans eune crèche à dormi.” Aussitôt dit, il appathut Dans l'ciel des anges brilliants, Qui louaient Dgieu jouaiyeusement, En chantant auve ches mots: "Glouaithe à Dgieu dans les lieux très hauts. Et paix Sainte sus la tèrre; Bouanne volanté envèrs les hoummes D'à ch' teu à tout janmais".     Les Douze Jours dé Noué The twelve days of Christmas Lé preunmié jour dé Noué Man galant m'a donné Un pèrdrix Saint-Ouënnais! Lé deuxième jour dé Noué Man galant m'a donné Deux colombes d'Grouville, Et un pèrdrix Saint-Ouënnais! Lé traîsième jour dé Noué Man galant m'a donné Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé quatrième jour dé Noué Man galant m'a donné Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé chîntchième jour dé Noué Man galant m'a donné Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé siêxième jour dé Noué Man galant m'a donné Siêx pithots d'Saint Brélade, Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé septchième jour dé Noué Man galant m'a donné Sept cŷngnes d'Saint Cliément, Siêx pithots d'Saint Brélade, Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé huitchième jour dé Noué Man galant m'a donné Huit vaques d'Sainte Mathie, Sept cŷngnes d'Saint Cliément, Siêx pithots d'Saint Brélade, Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé neuvième jour dé Noué Man galant m'a donné Neu tonmates d'Saint Saûveux, Huit vaques d'Sainte Mathie, Sept cŷngnes d'Saint Cliément, Siêx pithots d'Saint Brélade, Chîns bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé dgiêxième jour dé Noué Man galant m'a donné Dgiêx patates d'Saint Louothains, Neu tonmates d'Saint Saûveux, Huit vaques d'Sainte Mathie, Sept cŷngnes d'Saint Cliément, Siêx pithots d'Saint Brélade, Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé onzième jour dé Noué Man galant m'a donné Onze danmes d'la Trinn'té, Dgiêx patates d'Saint Louothains, Neu tonmates d'Saint Saûveux, Huit vaques d'Sainte Mathie, Sept cŷngnes d'Saint Cliément, Siêx pithots d'Saint Brélade, Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais! Lé douzième jour dé Noué Man galant m'a donné Douze messieurs d'Saint Pièrre, Onze danmes d'la Trinn'té, Dgiêx patates d'Saint Louothains, Neu tonmates d'Saint Saûveux, Huit vaques d'Sainte Mathie, Sept cŷngnes d'Saint Cliément, Siêx pithots d'Saint Brélade, Chîn bagues d'la Ville Quat' pies d'Saint Martîn, Trais poules d'Saint Jean, Deux colombes d'Grouville, Et un pèrdrix Saint-Ouënnais!     Prans du housse Deck the Halls Prans du housse pouor décorâtion, Fa la la la la la la la la! Ch'est lé jour dé célébrâtion, Fa la la la la la la la la! J'veurs du vîn; donne-mé eune vèrrée, Fa la la la la la la la la! Célébrons chutte jouaiyeuse séthée, Fa la la la la la la la la! Y'a du pantch et y'a du podîn, Fa la la la la la la la la! Y'a d'la gâche et y'a du chaûdé, Fa la la la la la la la la! Chante auve mé, ensembl'ye chantons, Fa la la la la la la la la! Baivons, mangeons, rions, dansons, Fa la la la la la la la la!     Lé Cantique du Sussex The Sussex Carol (On Christmas Night all Christians sing...) Lés Chrétiens chantent chutte séthée d'Noué, Pour ouï ches nouvelles dé grande jouaie. Lés Chrétiens chantent chutte séthée d'Noué, Pour ouï ches nouvelles dé grande jouaie. Dans les cieux appathaîssent des anges, Chantant, èrpétant lus louanges. Et pourtchi qué j'devrons êt' triste, Quand j'fêtons la naîssance du Christ? Et pourtchi qué j'devrons êt' triste, Quand j'fêtons la naîssance du Christ? Quand not' Sauveur a libéthé Les hommes d'la prison dé pêché. La lueu nos a illeunminnés Et fit chanter les anges chutte niet, La lueu nos a illeunminnés Et fit chanter les anges chutte niet, "Glouaithe céleste et paix humaine A ch't heu et pour tréjous.Amen." Sa Grâce a chassé lé pêché, Donnant la Vie et la Santé. Sa Grâce a chassé lé pêché, Donnant la Vie et la Santé. Hommes et Anges, chantez auve jouaie, Pour saluer lé nouvieau rouai!     Atout jouaie dans l'temps jadis. As with gladness men of old Atout jouaie dans l'temps jadis, L's anciens tch'étaient rêvilyis Vîdrent là lueu d'la belle êtaile Tch'êcliaithait lé c'min du Ciel; O Bouan Dgieu, donne-nous l'avis Dé Té Siéthe toute nouotre vie. Comme i' suivîdrent la lueu, Tchi les m'nit jusqu'au Saint Lieu, Ou'est tch'i' pûdrent lus agenouoilli, Pour adouother l'Chièr Pétit Tchi d'vînt pus tard le Sauveux. Dé Toutes âmes souos les Cieux. Il' apportîdrent des présents Dé grand' valeu' et d'l'enchens; Ch'est à nous dé siéthe lus pas, Et d'nouos comporter 'chîn bas, D' manniéthe a Lî présenter Nouot' amour et nouot' respé O chièr Jésûs, â châque jour, Veil'yes sus nous avec amour, Et à l'heuthe du drain soupi Erchai-nous dans l'Paradis Où'est tchi' n'y'a plieurs ni mînséthes, Dans la glouaithe dé Tan Sanctuaithe. Là, dans l'bonheu et la jouaie, Matîn, méjeu, arlévée, Dé Ta Présence, et des Anges, J'pouôrrons T'offri nouos louanges Et chanter l's allélûias Auve lé Sanctus d'ichîn bas. Amen.     Sus l'coup d'mînniet les bèrgers ouîtent It came upon a midnight clear Sus l'coup d'mînniet les bèrgers ouîtent, Chu vièr chant glorieux; Des anges qu'i' s'penchaient vèrs la tèrre, Jouant lus harpes d'or; "Paix sus la tèrre, bouanne volanté Es hoummes, du Tout Puissant" Lé Monde entchi dévînt trantchille Pour oui lé chant des Anges. Acouothe i' veinnent travèrs les cieux, Lus ailes paîsibl'yes ouvèrtes; Et lus musique Sainte et Céleste Sonne si douoche sus la tèrre. En d'sus ses pliaines et ses montangnes Grâcieuses i' vont et veinnent; Et tréjous par sus l'brit des hoummes Les anges heutheuses chantent. O vous, souos l'fardé dé la vie Courbés dé vos mînséthes, Vous qui peinez sus vot' quémîn À pas pénibl'yes et longs; Couothage, pour vous bonheu et jouaie D'cendant sus d's ailes des cieux. Erpos'ous don dé temps en temps Pour ouï lé chant des Anges. V'là don! lé temps bein vite s'envole, Coumme les prophètes disaient; Auve châque siècl'ye nou-s-appraiche du jour Quand touos s'sont rêunnis; Quand j'connaîtrons la Paix suprême En touos lieux, en touos âges, Et qu'cieux et tèrre résonn'nont Au chant des hoummes et Anges.     Dans la Cité du Rouai Dâvi Once in Royal David's City Dans la Cité du Rouai Dâvi, Sé trouvait eune vielle êtabl'ye: Ou'est qu'eune méthe posit san p'tit êfant Dans eune crêche à rempliaichi san liet. Mathie Sainte, Méthe bénie Et san fis, ch'est Jésus Christ. I' vînt du ciel sus la tèrre, Dgieu li-même, lé Tout-Puissant. Decendit dans eune êtabl'ye, Et san bèr n'était qu'eune stâlle. Auve les pauvres - les humblyes d'esprit; S'trouvait nouot' Sauveux Jésus Christ. Dé nos yièrs enfîn jé l'verrons, Grâce à san immense amour. Car ch't êfant si tendre et si doux, Ch'est nouot' Seigneu, nouot' Sécours. Touos ses êfants le siéthont Et au ciel il' arriv'thont. Pas dans eune êtabl'ye pauvre Auve les bestchiaux alentou d'li, Jé lé verrons, mais en glouaithe Assis à la drouaite de Dgi, Quand, couronnés, touos en blianc, Ses êfants s'assembliéthont.     Rudolf lé chèr au rouoge nez Rudolf the red-nosed reindeer Rudolf lé chèr au rouoge nez Avait l'nez bein rouoge et long Et si ou l'viyez achteu Ou direz bein tchi 'n a deux d'gouts! Touos les autres pétits chèrs Soulaient rithe et en faithe du fanne - I'n'laissaient pas pouorre Rudolf Jouer auve ieux et jouer lus gammes. Mais eune belle serveille dé Noué Papa Noué vint en disant "Rudolf au nez rouoge et bé - Vint m'aidgi auve les présents" Achteu touos les chèrs l'aiment bein, Et touos ieux lus mettent à braithe: "Rudolf, lé chèr au rouoge nez Ch'est qu'tu fais eune belle histouaithe!"     Sonne les clioches Jingle bells Sonne les clioches, les p'tites clioches, sonne les clioches d'hivé, Ah tchi fanne dé nos prom'ner ichîn dans la né - Sonne les clioches, les p'tites clioches, sonne les clioches d'hivé, Ah tchi fanne dé nos prom'ner ichîn dans la né, Veins-t-en auvec mé, Driéthe man bidet, Couvre les deux d'nous, Cauds coumme des mouossons! J'ithons nos prom'ner À travèrs d'la né Êcoute man p'tit j'va tchi trotte Lié à man traîné! Sonne les clioches, les p'tites clioches, sonne les clioches d'hivé, Ah tchi fanne dé nos prom'ner ichîn dans la né - Sonne les clioches, les p'tites clioches, sonne les clioches d'hivé, Ah tchi fanne dé nos prom'ner ichîn dans la né!       D'main D'main est l'jour dé Noué! Lé pus grand jour dé l'année! Et pour qu'tout s'sait prêt, J'veins d'aîdgi à M'mèe. J'avons décoré, Patchi des présents. Déhors i' gèle et fait d'la né; Ch'n'est pas d'même par dédans! J'aime bein Noué! Ah, véthe-dgia! Auve touos les cadeaux, Apportés par Papa Noué Dans eune grand' pouque sus san dos. Sus man liet j'm'en vais pendre Eune cauche qu'est toute nette, Espéthant qué d'main matîn Ou s'sa remplyie dé belles jouettes. M'mèe a fait l'podîn Et eune belle grand' gâche dé Noué. J'avons des châtaines Pour rôti au feu, Oranges et codrettes, Des chucrîns étout; Un gros picot qu'est prêt stoffé Pour M'mèe à mettre au fou. J'aime bein Noué! Ah, véthe-dgia! Auve touos les cadeaux, Apportés par Papa Noué Dans eune grand' pouque sus san dos. Sus man liet j'm'en vais pendre Eune cauche qu'est toute nette, Espéthant qué d'main matîn Ou s'sa remplyie dé belles jouettes. Notre bouais dans la carre A des p'tites veues d'ssus étout, Et l'êtaile sus l'haut Touche presqué au pliafond! Mais l'pus împortant La cheunm'née fraîche nettie, Veurt dithe qué Papa Noué peut v'nîn Sans sali ses habits! J'aime bein Noué! Ah, véthe-dgia! Auve touos les cadeaux, Apportés par Papa Noué Dans eune grand' pouque sus san dos. Sus man liet j'm'en vais pendre Eune cauche qu'est toute nette, Espéthant qué d'main matîn Ou s'sa remplyie dé belles jouettes. A.L.P. Chutte pétite chanson, êcrite pour des êfants, peut être chantée sus l'air dé "Jingle Bells"     Jésû est né Sus l'air dé "Blessed Assurance Jesus is Mine." Louangez lé Seigneur, Jésû est né; Car dans eune êtabl'ye l'êfant divîn Annoncé des anges, mèrtchi d'l'êtaile; Not' Sauveur fut né à Bethléhem! Chantez auve les anges, chantez d'la paix, Qu'les cieux rétentissent d'amour et d'jouaie! Chantez auve les anges dé not' Sauveur! Êfant dé Marie, fis du Seigneur! Les mages et bèrgers agenouoillis là, L'âne et les brébis, la biche, lé ch'va, Adorant l'êfant sus l'fain couochi, La glouaithe du Bouan Dgieu lîsant l'tou d'li! Chantez auve les anges, chantez d'la paix, Qu'les cieux rétentissent d'amour et d'jouaie! Chantez auve les anges dé not' Sauveur! Êfant dé Marie, fis du Seigneur! Bethléhem dormait, èrpos profond, Quand l's anges apportîtent à toutes nâtions, Nouvelle dé l'êfant; prannant sus li, Les péchés ênormes du monde entchi. Chantez auve les anges, chantez d'la paix, Qu'les cieux rétentissent d'amour et d'jouaie! Chantez auve les anges dé not' Sauveur! Êfant dé Marie, fis du Seigneur! Les anciens prophètes l'avaient prédit, Chu sé-là l'mithacl'ye fut accomplyi! Chantez vos cantiques à Dgieu anniet, Louangez lé Seigneur, Jésû est né. Chantez auve les anges, chantez d'la paix, Qu'les cieux rétentissent d'amour et d'jouaie! Chantez auve les anges dé not' Sauveur! Êfant dé Marie, fis du Seigneur! ALP     Pétite âne Little Donkey Pétite âne, pétite âne, Sus lé c'mîn pons'leux, Continnue à marchi l'avant Auve tan viage précieux; Y'a bein longtemps qué tu piétounne Dans la niet si g'lif, N'perd pas couothage, car tu s'sas à Bethléem tout d'suite. Sounnez vos clioches chutte niet, Bethléem, Bethléem, Suiviz l'êtaile chutte niet, Bethléem, Bethléem; Pétite âne, pétite âne, Tchi fort jour pour té, Pétite âne, porte Marie Saufe sus san c'mîn. Pétite âne, pétite âne, Té v'là quâsi là, Né hésite pas pour un înstant, L'êtaile l'avant va; À eune êtabl'ye, ma p'tite âne, Ou s'n va t'dgider, Car dans chutte pliaiche s'en va naître Lé fis du Bouân Dgieu. Sounnez vos clioches chutte niet, Bethléem, Bethléem, Suiviz l'êtaile chutte niet, Bethléem, Bethléem; Pétite âne, pétite âne, Tchi fort jour pour té, Pétite âne, porte Marie Saufe sus san c'mîn.     Man tambour The Little Drummer Boy Vein, i' m'dîtent, vaie, pa-rum pa pum pum, Lé Rouai qui veint dé naitre, pa-rum pa pum pum Tout lé miyeu qu'j'avons, pa-rum pa pum pum, A Li faut qu'j'lé portons, pa-rum pa pum pum rum pa pum pum rum pa pum pum Car j'Lé louangeons, pa-rum pa pum pum, Au d'ssus d'tout. Pétit Jésû, pa-rum pa pum pum, Jé n'sis qu'un pouôrre garçon, pa-rum pa pum pum, J'n'ai rein qué j'peux T'donner, pa-rum pa pum pum, Qu'est dîngne pour un Rouai, pa-rum pa pum pum rum pa pum pum rum pa pum pum, Dé même j'jouerrai pour Té, pa-rum pa pum pum, Man tambour. Marie souôrit, pa-rum pa pum pum L'angné et l'âne étout, pa-rum pa pum pum, Jé fis man mus pour Li, pa-rum pa pum pum, J'jouis man tambour pour Li, pa-rum pa pum pum rum pa pum pum rum pa pum pum, Et pis I' m'souôrit, pa-rum pa pum pum Lé P'tit Jésû. ALP     Ouai-tu la sonn'nie céleste? Ding Dong Merrily on High Ouai-tu la sonn'nie céleste? Les anges sonnent les clioches au ciel. La chant'tie du Vouêt et d'l'Êst Nos annonce la bouonne nouvelle: Glouaithe, Hosanna ès pus hauts lieux Gloria, Hosanna in excelsis Et ichîn bas les cliochièrs Font cârillon auve lus vouaix; Touos les jannes et touos les vièrs Louangent lé Seigneur auve grande jouaie: Glouaithe, Hosanna ès pus hauts lieux Gloria, Hosanna in excelsis Êcoutons à sinne dé jeu Les belles matinnes des sonneurs Au sé chu cantique heutheux Nos rempliétha dé bonheur. Glouaithe, Hosanna ès pus hauts lieux Gloria, Hosanna in excelsis     À travèrs les montagnes À travèrs les montagnes Et du d'sert i' veinnent, Les Mages savants et sages À sa pouôrre humbl'ye d'meuthe D'eune ardeur dêvouée De liain il' arrivent Pour suivre sans tchestchion Eune êtaile coumme dgide. Là lus Rouai, lus Sauveur Couochi, humbl'ye et doux, Chutte veue qui les amène Tout du long d'lus viage, Pour êcliaithi tréjous Les nâtions au liain, Suivant lé c'mîn jouaiyeux Condis par l'êtaile. Té qui dans eune êtabl'ye Au monde arrivit, Qui à ch'teu en glouaithe Sus touos rouoyaumes règne, Èrtchille les pouôrres paiens Des pays lointains Qui n'ont janmais veu lithe Ch't êtaile sans patheille. En avant toute la niet, Niet si seule et sombre, Auve Ta sainte leunmiéthe Lisant l'avant à ieux, Mène-les, Juis et Paiens, Au r'pos êtèrnel, Jannes et vièrs étout Condis par T'n êtaile.       Rêjouiss'-ous tous Joy to the World Rêjouiss'-ous tous! Né v'chîn l'Seigneu! Les anges lé chantent dans l'air: Glouaithe sait à Dgieu dans l'haut des cieux Et paix sainte sus la tèrre. Rêjouiss'-ous tous! I' règne à haut! Chantez dans touos les pays! Qu'les monts et grèves, les prés et ieaux Èrpètent lus chants dé jouaie! Qu'lé nièr péché né craîsse pus d'aut' Ni sèrcl'yes né craîssent ès clios! I' nos lav'tha dé toutes nos fautes Pouor dgéthi touos nos maux. I' règne en grâce et véthité Sus tous, et riches et pouôrres, En offrant à l'humannité Les mèrvelles dé S'n amour.     Êtaile du ciel Sus l'air Sagina Lé jour dé Noué En gardant lus brébis, Les bèrgers vîtent dans l'ciel Un Ange tchi lus dit, "Suivez tous l'êtaile, À Bethléhem, Et là-bas, ou trouv'thez Un nouvieau né." Êtaile du ciel, Si mangnifique et si brillante, Tchi mouontre lé c'mîn Jusqu'à l'êtabl'ye Où'est qu'est chu p'tit êfant. Chantez fidèles, dé tout bouan tchoeu, Pouor vot' Seigneur, lé Fis du Bouan Dgieu. Les Mages dé l'Êst Tchi travèrsaient la mielle, En r'gardant vèrs lé ciel, Vîtent étout l'êtaile Et en la suivant À Bethléhem Y trouvîtent dans l'êtabl'ye Lé p'tit êfant. Êtaile du ciel, Si mangnifique et si brillante, Tchi mouontre lé c'mîn Jusqu'à l'êtabl'ye Où'est qu'est chu p'tit êfant. Chantez fidèles, dé tout bouan tchoeu, Pouor vot' Seigneur, lé Fis du Bouan Dgieu. Les riches et pauvres, Tout l'monde sé rêjouissant, Vîntent mett' au pid d'la crèche, Un tas d'bieau présents. Et ses pathents, Èrconnaîssant Qué lus fis 'tait l'beinv'nu À Bethléhem. Êtaile du ciel, Si mangnifique et si brillante, Tchi mouontre lé c'mîn Jusqu'à l'êtabl'ye Où'est qu'est chu p'tit êfant. Chantez fidèles, dé tout bouan tchoeu, Pouor vot' Seigneur, lé Fis du Bouan Dgieu. Chantons sans cêsse, Et chantons nos louanges, Pouor lé Seigneur Jésû, Tch'est lé Rouai des Anges. Et par sa naîssance À Bethléhem I' nos donne jouaie du ciel, Paix sus la tèrre. Êtaile du ciel, Si mangnifique et si brillante, Tchi mouontre lé c'mîn Jusqu'à l'êtabl'ye Où'est qu'est chu p'tit êfant. Chantez fidèles, dé tout bouan tchoeu, Pouor vot' Seigneur, lé Fis du Bouan Dgieu.     Not' Paradis d'Hivé Winter Wonderland Les clioches sonnent – les entend'-ous? Dans les clios près d'siez-nous Tout couvèrts dé né – Nou dit qu'ch'est bé Dé marchi dans not' paradis d'hivé. Bein au liain sont les héthondes, Liain dé chu nouvieau blianc monde. Jé dithons ensembl'ye, Jé rithons ensembl'ye Ichîn dans not' paradis d'hivé. Dans not' gardîn, j'allons faithe un bouanhomme Dé né auve ses deux ièrs dé tchèrbon. I' s'en va nos d'mander où'est qué j'allons, Et j'allons dithe “Autchun bord” tout ensembl'ye. Bein pus tard, touos êssoûffliés Et assis près d'la fouée À nos caûffer les dés, J'dithons en jouaie Qu' j'avons un vrai paradis d'hivé.     O pétite ville dé Béthléhem O Little Town of Bethlehem O pétite ville dé Béthléhem Tu'es couochie trantchilement. Lé ciel èrlit sus tan dormi Bein silencieusément. Mais v'là tchi r'lit dans tes sombres rues La leunmiéthe êtèrnelle, L'êffrai, l'espé dé châque année Lus r'trouvent souos ches êtailes. Jésû est né d'la Vièrge Mathie! Sus la tèrre coumme ès cieux, Les hoummes au liet, les anges au dget, Èrchèvent l'amour dé Dgieu. Procliâmez, êtailes du matîn, La naîssance du Saûveux! Chantez auve jouaie à Dgieu, not' Rouai, Qu'Sa paix sait ouï achteu! Bein trantchilement, bein trantchilement, La mèrvelle appathaît, Lé don dé Dgieu à châque humbl'ye tchoeu, Lé présent dé Sa paix. Jé n'ouïyons pon Sa tape à l'us Siez nous, des pouôrres pécheurs, Mais châque esprit tch'a fouai en Li Èrchait l'saint vîsiteur. O p'tit êfant dé Béthléhem, Siez nous, Tu'es v'nu d'meuther. Hale tout hèrtchîn, et entre ichîn: Sai né en nous aniet. J'ouïyons l'assembliée angélique Tchi chante la bouonne nouvelle, Car il est v'nu, lé p'tit Jésû, Not' Rouai Emmanuel!     Taîs'-ous, taîs'-ous, viyiz lé p'tit êfant Taîs'-ous, taîs'-ous, viyiz lé p'tit êfant tchi dort paisibliément dans chu bèr. Ouïyiz les vouaix des anges et hoummes chantant là-haut dans lé Ciel et sus la Tèrre. Car lé p'tit Jésû à ces sé est v'nu! Chu pouôrre p'tit êfant est lé Bouôn Dgieu! Car ch'est man Saûveux et man Rédempteux, né dans eune êtabl'ye et dans man tchoeu. Lé boeu né beûle pon et l'âne né brait pon à g'nouors dans lus stâlles louangeant lus Rouai. Agenouoill'-ous étout en contempliâtion dé chutte séthée dé mèrvelles et jouaie. Car lé p'tit Jésû à ces sé est v'nu! Chu pouôrre p'tit êfant est lé Bouôn Dgieu! Car ch'est man Saûveux et man Rédempteux, né dans eune êtabl'ye et dans man tchoeu. D'valés des clios, y'a des gardeurs d'brébis. Des Mages ont apporté lus présents. Humbliément offrons, auve l'esprit rêjoui, Au p'tchiot nos louanges tchi montent coumme l'enchens. Car lé p'tit Jésû à ces sé est v'nu! Chu pouôrre p'tit êfant est lé Bouôn Dgieu! Car ch'est man Saûveux et man Rédempteux, né dans eune êtabl'ye et dans man tchoeu.     Dans la vielle ville du Rouai Dâvi Ouïyons auve les gardeurs d'brébis les cantiques des anges ès cieux! Allons, acanté ieux, vilyi sus l'êfant tch'est l'Fis dé Dgieu! Dans la vielle ville du Rouai Dâvi y'a eune lueu tch'êcliaithe la niet; eune êtînchelle dé fouai satchie dans not' tchoeu, chutte séthée d'Noué. Viyons endormi dans l'fêtu, êcliaithi par eune sainte lueu, né dans l'êtabl'ye, lé p'tit Jésû tch'est bèrchi siez l'âne et l'boeu. Dans la vielle ville du Rouai Dâvi y'a eune lueu tch'êcliaithe la niet; eune êtînchelle dé fouai satchie dans not' tchoeu, chutte séthée d'Noué. Les Trais Mages ont r'mèrtchi l'êtaile; i' l'ont r'connu, i' l'ont sieu. Séyons sages et tréjous fidèles, siêthant l'êtaile au Saûveux! Dans la vielle ville du Rouai Dâvi y'a eune lueu tch'êcliaithe la niet; eune êtînchelle dé fouai satchie dans not' tchoeu, chutte séthée d'Noué. Jour dé paix et d'célébrâtion, jour dé jouaie et dé bonheu! Lé Bouôn Dgieu êcliaithe les nâtions, et j'viyons not' Rédempteu! Dans la vielle ville du Rouai Dâvi y'a eune lueu tch'êcliaithe la niet; eune êtînchelle dé fouai satchie dans not' tchoeu, chutte séthée d'Noué.     Dors saint êfant Les gardeurs vil'yent sus lus brébis; et l's êtailes lithent sus les clios. Eune méthe èrgarde san p'tit êfant; et l'péthe graie san liet dans l'tro. Dors saint êfant; dors trantchil'yement dans tan bèr siez l'âne et l'boeu. Dors p'tit Jésû; tu'es not' salut: Not' angné s'sa not' gardeux. Les gardeurs ouaient sus les montangnes un tchoeu chantant dans les cieux d'un mousse né dans eune pouôrre êtabl'ye: lé p'tchiot tch'est lé Fis dé Dgieu. Dors saint êfant; dors trantchil'yement dans tan bèr siez l'âne et l'boeu. Dors p'tit Jésû; tu'es not' salut: Not' angné s'sa not' gardeux. Les gardeurs, laîssant lus troupieaux, d'valant la raide caramiéthe lus agenouôlent l'avant à l'êfant, êcliaithis par sa sainte glouaithe. Dors saint êfant; dors trantchil'yement dans tan bèr siez l'âne et l'boeu. Dors p'tit Jésû; tu'es not' salut: Not' angné s'sa not' gardeux. Les gardeurs, rêjouis d'la mèrvelle, ont siévi les vouaix ès anges. Chantons étout au p'tit Saûveux, lé bèrchant atout nos louanges. Dors saint êfant; dors trantchil'yement dans tan bèr siez l'âne et l'boeu. Dors p'tit Jésû; tu'es not' salut: Not' angné s'sa not' gardeux.     J'sommes trais Mages We Three Kings Dé bein au liain j'avons viagi. J'sommes trais Mages, des rouais dé magie. Par la campangne et les montangnes Souotre eune êtaile tchi lit. Oh tchi belle êtaile dans les cieux! Tchi nos dgid'da coumme eune veue Canté les Rouais, tréjous vèrs l'Vouêt, Condi-nous au Fis dé Dgieu! J'ai dé l'or à lî présenter; J'allons lé couronner dèrché - Chu p'tit êfant tchi bein pouôrrement Dans eune êtabl'ye fut né. Oh tchi belle êtaile dans les cieux! Tchi nos dgid'da coumme eune veue Canté les Rouais, tréjous vèrs l'Vouêt, Condi-nous au Fis dé Dgieu! J'ai dé l'enchens dé tchi l'odeu monte auve nos priéthes au Bouôn Dgieu; Contempliâtion, adouothâtion, et louanges ès pus hauts lieux. Oh tchi belle êtaile dans les cieux! Tchi nos dgid'da coumme eune veue Canté les Rouais, tréjous vèrs l'Vouêt, Condi-nous au Fis dé Dgieu! J'ai d'la myrrhe, tch'est forte et améthe Et tchi l'enfliub'tha coumme un suaithe; Souffrant, plieuthant, sangnant, mouothant, parfunmé du chînm'tchiéthe. Oh tchi belle êtaile dans les cieux! Tchi nos dgid'da coumme eune veue Canté les Rouais, tréjous vèrs l'Vouêt, Condi-nous au Fis dé Dgieu! Dé bein au liain j'avons viagi. J'sommes trais Mages, des rouais dé magie. Par la campangne et les montangnes Souotre eune êtaile tchi lit. Oh tchi belle êtaile dans les cieux! Tchi nos dgid'da coumme eune veue Canté les Rouais, tréjous vèrs l'Vouêt, Condi-nous au Fis dé Dgieu!     Béthléhem chante à ces sé Ouai lé bêlement d'brébis sus les côtis! Ouai lé chant des anges ès cieux! Coumme les anges et angnieaux sont à louangi: "Glouaithe à Dgieu ès pus hauts lieux!" D'eune vouaix d'ange et d'eune vouaix d'angné Béthléhem lî chante à ces sé. Ouai la rêponse des gardeurs dé brébis! Ouai lus êcatchîn jouaiyeux! Sié les gardeurs d'brébis dé d'dans les clios! Sié lus pas avaû les c'mîns! Coumme il' apportent un angné sus lus dos, y'a un angné tch'est à v'nîn. D'eune vouaix d'ange et d'eune vouaix d'angné Béthléhem lî chante à ces sé. Sié-les jusqu'ès bords du bèr au moussetchot! Sié-lé tréjous à l'av'nîn! Vai la ville où'est qu'lé saint p'tchiot est bèrchi! Vai l'êtabl'ye où'est qu'i' fut né! Coumme l'âne et l'boeu sont à lus agenouoilli, il est v'nu pouor nos saûver. D'eune vouaix d'ange et d'eune vouaix d'angné Béthléhem lî chante à ces sé. Vai-lé acanté Joseph et Mathie! Vai not' Saûveux, not' espé! Sai heutheux en apportant tes présents! Sai fidèle et génétheux Coumme les rouais auve la myrrhe, l'or et l'enchens, offre-lî tréjous du miyeu! D'eune vouaix d'ange et d'eune vouaix d'angné Béthléhem lî chante à ces sé. Sai tréjous not' trésor, oh saint êfant! Sai tréjous siez nous dans l'tchoeu!     Êtailes, êtailes À Béthléhem, les gardeurs dgettent lus brébis sus les côtis, dans la niet si fraide et néthe. Mais eune êtaile lit sus la ville dé Dâvi, et v'là tchi d'vale sus ieux la lueu d'la glouaithe. Êtailes, êtailes, si cliaithes dans la niet; Êtailes, êtailes, êcliaithiz not' Noué! Un tchoeu céleste a êgalué la séthée; toutes les êtailes auve eune constellâtion d'anges. Coumme il' èrlithent, la mélodie êtailée pétil'ye à haut pouor înspither nos louanges. Êtailes, êtailes, si cliaithes dans la niet; Êtailes, êtailes, êcliaithiz not' Noué! Sus lus chanmeaux, ava et amont les mielles souotre un m'sagi d'là-haut l'avant à lus ièrs. Viageant tréjous à la siette d'eune grand' êtaile, né v'là les Mages tchi veinnent, crouaîsant lé d'sèrt. Êtailes, êtailes, si cliaithes dans la niet; Êtailes, êtailes, êcliaithiz not' Noué! Par sus la ville, eune êtaile est à mèrtchi qu'à Béthléhem un Saûveux nous est donné. Y'a dans l'êtabl'ye dans tchi l'êfant est bèrchi d'l'enchens, d'la myrrhe, et d'l'or tchi lit si bé. Êtailes, êtailes, si cliaithes dans la niet; Êtailes, êtailes, êcliaithiz not' Noué!     I' tchait d'la né I' tchait d'la né et Bethléhem est bein gliaichi mais i' fait bé dans l'bèr où'est qu'l'êfant est pliaichi. Dans la né, p'tit avé; dors en paix toute la niet. Dors en paix toute la niet, p'tit avé dans la né. I' tchait d'la né ès clios où'est qu'des gardeurs d'brébis êmèrvilyis ont ouï l'ange du Seigneu prêchi. Dans la né, p'tit avé; dors en paix toute la niet. Dors en paix toute la niet, p'tit avé dans la né. I' tchait d'la né; des rouais sont à lus appréchi auve lus présents pouor lé p'tchiot si précieux et chi. Dans la né, p'tit avé; dors en paix toute la niet. Dors en paix toute la niet, p'tit avé dans la né.     Habil'-ous don! Anges ès êtailes, brîngiz vos ailes! M'ttez vos robes d'or et d'argent! M'ttez vos charmes, et dans vot' armée v'nez en glorieux habilement! Habil'-ous don! Attînt'-ous don! M'ttez vot' Dînmanche, faites d'vot' tchian! Laine, souaie, coton, ou chiquetaillons, chang'-ous pouor lé Saint êfant! M'ttez vos corsets d'oeuvre! Vot' troupé restétha sus les côtis. D'valez là-bas; i' vos caûff'tha, dans sa glouaithe, gardeurs d'brébis! Habil'-ous don! Attînt'-ous don! M'ttez vot' Dînmanche, faites d'vot' tchian! Laine, souaie, coton, ou chiquetaillons, chang'-ous pouor lé Saint êfant! M'ttez vos mantchieaux riches et rouoyaux! Mâges, griy'-ous! Viagiz au Vouêt! Bein dêliêment auve vos présents, souotre l'êtaile tchi mouontre la vouaie. Habil'-ous don! Attînt'-ous don! M'ttez vot' Dînmanche, faites d'vot' tchian! Laine, souaie, coton, ou chiquetaillons, chang'-ous pouor lé Saint êfant! Joseph, té v'là! Tchil abrias! Toutes tes hardes touoillies du c'mîn! Bouôn tchèrpentchi, tu'as bein viagi. Y'étha d'pus belles robes à v'nîn. Habil'-ous don! Attînt'-ous don! M'ttez vot' Dînmanche, faites d'vot' tchian! Laine, souaie, coton, ou chiquetaillons, chang'-ous pouor lé Saint êfant! Méthe dé Jésû, dans tan fro d'bliu, tendrément tu vil'ye sus li; tan fis fretté, acanté té - chu p'tit êfant est l'Bouôn Dgi. Habil'-ous don! Attînt'-ous don! M'ttez vot' Dînmanche, faites d'vot' tchian! Laine, souaie, coton, ou chiquetaillons, chang'-ous pouor lé Saint êfant!     Jésû Christ lé bieau pommyi Jesus Christ the Apple Tree Mén âme a veu lé bouais d'la vie tch'est tréjous vèrt et chèrgi d'frit. Mén âme a veu lé bouais d'la vie tch'est tréjous vèrt et chèrgi d'frit. Ch'est l'pus bel arb' dans la bouaîs'sie, tch'est Jésû Christ lé bieau pommyi. J'n'ai janmais veu dé tchi si bé. Dans man tchoeu la fouai est pliantée. J'n'ai janmais veu dé tchi si bé. Dans man tchoeu la fouai est pliantée. Et j'vai achteu la glouaithe tchi lit dans Jésû Christ lé bieau pommyi. J'ai couothu souotre lé fanne et l'ji, et man bein, j'l'ai tout gâzouoilli. J'ai couothu souotre lé fanne et l'ji, et man bein, j'l'ai tout gâzouoilli. Mais j'ai r'trouvé tout man pliaîsi en Jésû Christ lé bieau pommyi. Quand j'sis lâssé par man travas, à l'ombre ichîn j'trouve un assias. Quand j'sis lâssé par man travas, à l'ombre ichîn j'trouve un assias. Paîsibliément jé s'sai assis souos Jésû Christ lé bieau pommyi. Chu frit a un goût d'èrva-s-y tchi m'ravigote sus man mouothi. Chu frit a un goût d'èrva-s-y tchi m'ravigote sus man mouothi. Pouor tréjous m'n âme s'sa à l'abri auve Jésû Christ lé bieau pommyi.     Saûticotons à Béthléhem Les angnieaux quénotent sus les côtis, lus gardeurs happent la pathe d'un ambron. Oh! Dgéthotons acanté les brébis; couothons étout ava ches monts! Béthléhem, Béthléhem! Saûticotons tous à Béthléhem! Béthléhem, Béthléhem! Saûticotons tous à Béthléhem! Les chanmeaux chabolent par lé sablion; i' gabathent douochement par sus les mielles; coumme les Trais Mages cachent ava et amont; là-haut dans l'ciel ou pâsse, l'êtaile! Béthléhem, Béthléhem! Saûticotons tous à Béthléhem! Béthléhem, Béthléhem! Saûticotons tous à Béthléhem! À doubl'yé rang i' marchent, les Romains; les soudards sièvent la c'mande du chent'nyi - pouor lus appréchi d'la ville bein d'amain, gângni lus lyits et lus couochi! Béthléhem, Béthléhem! Saûticotons tous à Béthléhem! Béthléhem, Béthléhem! Saûticotons tous à Béthléhem! L'âne et l'boeu, ieux, i' piétinnent étout dans l'êtabl'ye où'est qu'l'êfant est bèrchi; tandi qu'un tchoeu d'anges dgêpe tout à l'entou Louangeant l'êfant tchi r'mue ses pids! Béthléhem, Béthléhem! Saûticotons tous à Béthléhem! Béthléhem, Béthléhem! Saûticotons tous à Béthléhem!     J'ouïs les belles clioches du Jour dé Noué I heard the bells on Christmas day J'ouïs les belles clioches du Jour dé Noué sonner l'vièr chant du temps pâssé. Ches bouôns vièrs mots èrsonnent acouo: "Paix sus la tèrre, bonheu ès gens". Et j'pensis coumme, à sinne dé jeu, touos les cliochièrs du monde d'achteu sonnent lus doux m'sage d'avaû les âges: "Paix sus la tèrre, bonheu ès gens". Et l'tou du monde, n'y'a rein d'nouvé ichîn souos l'touannement du solé - chu vièr cantique janmais n'èrsique: "Paix sus la tèrre, bonheu ès gens". Mais au m'sespé, j'fis un soupi. "Sus la tèrre n'y'a pon d'paix," qué j'dis. "Lé ma pitchit au pilôsi 'Paix sus la tèrre, bonheu ès gens'". Épis les clioches sonnîdrent pus hautes: "Dgieu n'est pon mort, nitout I' n'haûte. L'Malîn pèrdra; lé Bouôn l'saitha: 'Paix sus la tèrre, bonheu ès gens'".     Ch'est la Sèrvelle dé Noué! The Lord at first had Adam made Lé Bouôn Dgieu griyit l'vièr Âdam, au c'menchement, du ponsi. I' l'înspithit en soûffliant d'dans auve lé soûffl'ye dé la vie. Et lé Seigneu fit pouor ch't houmme-chîn eune d'meuthe au Paradis, pouor souongni les flieurs d'san gardîn, en êt' lé gardîngni. Chantez des louanges à not' Saûveux d'pis l'êfant nos fut né. Rêjouiss'-ous don! Séyiz heutheurs! Ch'est la Sèrvelle dé Noué! Et Êve et Âdam y d'meuthaient et s'mîndrent à travailli. À seule fîn d'les garder en paix, ainchîn l'Bouôn Dgieu lus dit: "Mangiz-en tout excepté l'frit tchi craît sus chu grand bouais. Lé chein tch'en mange s'en va mouothi, condamné à janmais." Chantez des louanges à not' Saûveux d'pis l'êfant nos fut né. Rêjouiss'-ous don! Séyiz heutheurs! Ch'est la Sèrvelle dé Noué! Lé Bouôn Dgieu aime l'humannité. Né v'là l'mithacl'ye qu'i' fit: ès d'cendants d'Âdam êdgéthés, i' mouontrit san pitchi. À seule fîn dé nos racater dé chu Malîn Esprit, et pouor l'amour dé nos saûver, i' nos env'yit san Fis. Chantez des louanges à not' Saûveux d'pis l'êfant nos fut né. Rêjouiss'-ous don! Séyiz heutheurs! Ch'est la Sèrvelle dé Noué! Et achteu ch'est la sainte saîson dans tchi not' Saûveux vînt. Séyons heutheurs, et fricotons auve des gâches et podîns. Pliaingnons les pouôrres et affanmés, baillons-lus à mangi, et si j'l'avons bein méthité, j'veindrons au Paradis. Chantez des louanges à not' Saûveux d'pis l'êfant nos fut né. Rêjouiss'-ous don! Séyiz heutheurs! Ch'est la Sèrvelle dé Noué!     Papa Noué s'en veint en Jèrri Santa Claus is coming to town Oh, mousses, comport'-ous! I' n'faut pon piailli, nitout faithe la moue, j'vos dithai pouortchi: Papa Noué s'en veint en Jèrri! I' graie sa p'tite liste, l'èrliêthant deux fais, pouor pouver sparti l'bouôn d'auve lé mêché. Papa Noué s'en veint en Jèrri! I' t'vait quand tu'es à dormi et quand tu'es rêvilyi. I' sait si tu'as 'té bein poli ou à graie d'la dgiâbliéthie! Oh, mousses, comport'-ous! I' n'faut pon piailli, nitout faithe la moue, et j'dithai pouortchi: Papa Noué s'en veint en Jèrri! Auve frits et codrettes et tout un amas dé gofiches et jouettes tchi font un camas. Papa Noué s'en veint en Jèrri! Les mousses veulent qu'i' mette tout drait dans sa pouque toutes sortes dé poupettes et des ours en pliuque. Papa Noué s'en veint en Jèrri! Et les pathents à r'garder les mousses à jopînter, les fil'yes et garçons à jouarder tout l'tou dé l'arb' dé Noué. Oh, j'dithai pouortchi: les êfants, mêfi'-ous! I' n'faut pon piailli, nitout faithe la moue: Papa Noué s'en veint Papa Noué s'en veint Papa Noué s'en veint siez nous!     Couochi dans eune êtabl'ye Away in a manger Couochi dans eune êtabl'ye, sans bèr et sans liet, lé p'tit Seigneu Jésû est là à haûter; les êtailes êcliaithies seurvil'yent lé saint p'tchiot, lé p'tit Seigneu Jésû à dormi dans l'tro. Les vaques sont à bueûler - i' r'est rêvilyi; mais chu bouôn p'tit Jésû n'est pon pouor piailli. J't'aime bein, Seigneu Jésû: seurvil'ye-mé des cieux et reste auprès d'man bèr jusqu'à sinne dé jeu. Vé-t-en, Seigneu Jésû, reste acanté mé; sai tréjous à m'dgetter, tréjous à m'aimer. Aime touos les p'tits êfants qu'nou-s'est à bèrchi, et reste auprès d'nos lyits jusqu'au drein soupi.     Les bein bouonnes bêtes The Friendly Beasts Jésû, not' Saûveux, l'Jour dé Noué, dans eune vielle êtabl'ye i' fut né auve les bein bouonnes bêtes à l'èrgarder: Jésû, not' Saûveux, l'Jour dé Noué. Mé, dit l'ânon ès longues ouothelles, j'portis sa méthe, Mathie la belle souos l'caud solé epis l's êtailes, mé, dit l'ânon ès longues ouothelles. Mé, dit la vaque couleu dé myi, j'lî baillis man tro pouor lé couochi épis man fain pouor s'n ouothilyi, mé, dit la vaque couleu dé myi. Mé, dit la brébis ès cônes corlées, j'lî baillis d'ma laine pouor san blianket, d'la laine pouor l'enfliuber au liet, mé, dit la brébis ès cônes corlées. Mé, dit la colombe, blianche coumme la né, j'fis coucouroux pouor lé bèrchoter, j'fînmes coucouroux, ma douoche et mé, mé, dit la colombe, blianche coumme la né. Les bein bouonnes bêtes, bénites et belles, racontent châtcheune sén alibèle: coumme dans l'êtabl'ye si néthe et vielle, il' atchilyîtent Emmanuel. Jésû, not' Saûveux, i' fut né dans eune êtabl'ye lé Jour dé Noué, auve les bein bouonnes bêtes à l'entouother: Jésû, not' Saûveux, i' fut né.     Drélîndgettes Silver bells Les rues pavées, des rues à vaie pouor la Fête habilyies: à banon y'a un esprit d'un Bouan Noué. Les mousses à rithe, les gens arrivent auve les tchoeurs bein rêjouis; à la carre dé châque quémîn nou ouait: Drélîndgettes et cliochettes: la Fête dé Noué à Saint Hélyi. Clioches d'argent, tchîncaillant: bétôt ché s'sa l'Jour dé Noué. Des veues d'affi, les veues d'trafi blyîntchant rouoge, or, et vèrt coumme lé monde rentre siez sé auve ses trésors. I' tchait d'la né pouor Papa Noué et pouor touos nos avièrs et par-d'ssus tout chu camas nou ouait: Drélîndgettes et cliochettes: la Fête dé Noué à Saint Hélyi. Clioches d'argent, tchîncaillant: bétôt ché s'sa l'Jour dé Noué.     Tout chein qué j'veurs chu Noué est té All I want for Christmas is you Jé n'veurs pon un tas pouor man Noué; y'a raîque eune chose à d'sither. Pouor dé mé ch'n'est pon les présents arreunés souos l'arb' dé Noué. J'veurs raîque té à tan tout seu, raîque té pouor rêjoui man tchoeu. V'là tch'est tout m'n espé; tout chein qué j'veurs chu Noué est té. Jé n'veurs pon un tas pouor man Noué; y'a raîque eune chose à d'sither. Pouor dé mé ch'n'est pon les présents arreunés souos l'arb' dé Noué. J'n'ai pon à croch'ter ma cauche là là-haut sus l'ais d'ma cheunm'née; Papa Noué né f'tha pon d'pliaîsi auve eune jouette lé Jour dé Noué; j'veurs raîque té à tan tout seu, raîque té pouor rêjoui man tchoeu. V'là tch'est tout m'n espé. Tout chein qué j'veurs chu Noué est té, Man tchoeu (Ma douoche) Jé n'veurs pon un tas pouor man Noué; ch'n'est pon d'la né tch'est man d'si; j'm'en vais rester assis au dget pouor êt' embraichi(e) souos l'dgi ; jé n'f'thai pon eune liste pouor env'yer liain au Nord siez Papa Noué; j'n'm'en vais pon rester à vilyi pouor ses chèrs enchorchélés. Ch'est raîque té qué j'veurs à ces sé, té ichîn acanté mé. Tchi d'aut' ajouôter? Tout chein qué j'veurs chu Noué est té, té. Toutes les veues sont satchies et tout est êcliaithi. Ouïy'-ous les brais et ris des mousses bein rêjouis? Épis tout l'monde à chanter et toutes les clioches à sonner. Papa Noué, apporte tout chein tch'i' m'faut pouor Noué, apporte s'i' t'pliaît man tchoeu (ma douoche) siez mé. Jé n'veurs pon un tas pouor man Noué; j'en éthai don tant et pus à vaie man tchoeu (ma douoche) l'avant à mé, mâté(e) sus lé pas dé m'n us. J'veurs raîque té à tan tout seu, raîque té pouor rêjoui man tchoeu. V'là tch'est tout m'n espé. Tout chein qué j'veurs chu Noué est té, té. Tout chein qué j'veurs chu Noué est té. Tout chein qué j'veurs chu Noué est té.