Les Pages Jèrriaises

Oh louangiz l'Seigneu!

O praise ye the Lord! praise Him in the height

Oh louangiz l'Seigneu!
La jouaie d'sa Pathole
êcliaithe les hauts lieux
et l's anges tch'y jouarôlent.
Adouothez-lé ès cieux,
li tchi vos a grée,
auve bouonne vouaix et bouôn tchoeu
ch'est à li d'chanter!

Oh louangiz l'Seigneu!
Touos l's Êves et Âdams
en chants dé douocheu
auve vos r'mèrcîments!
Pouor chein tch'il a plianté,
louangiz l'Gardîngni,
pouor sa grâce, sa bouonté,
pouor san paradis!

Oh louangiz l'Seigneu!
Touos les cheins tchi sonnent,
tchi hueûlent dé bonheu,
tchi braient et bourdonnent,
pouor èrpèqu'ter sa glouaithe
sus l's orgues ès bas tons,
en r'dithant toute l'histouaithe
dé sa criâtion.

Oh louangiz l'Seigneu!
Des dons et d'la jouaie
sont vèrsés achteu
et à tout janmais,
pour l'amour d'la graiethie
d'un ciel net et neu,
pouor la tèrre êcliaithie,
oh louangiz l'Seigneu!
 

Viyiz étout:

 

Les Pages Jèrriaises