|
Oh Péthe êtèrnel, not' Saûveux, Dé tchi l'bras embrache l'avanteu, Tu c'mande les louêmes et l'ochéan, Les brises, les dgêles et l'ouragan. Oh êcoute not' priéthe aniet Pouor les cheins au péthi d'la mé! Jésû, Ta vouaix calmit les ieaux Tchi s'tûtent en ouïyant Tes saints mots; Tu marchis sus la mé mârrie, Et dans la tempête, Tu dormis. Oh êcoute not' priéthe aniet Pouor les cheins au péthi d'la mé! Oh Saint Esprit, Tu donne la paix Où'est qu'tout est confus et mêlé; Tu s'pathis les ieaux et la tèrre, Et donnis l'ordre à l'Unnivèrs. Oh êcoute not' priéthe aniet Pouor les cheins au péthi d'la mé! Oh Trinneté d'pouvé et d'amour, Garde nos fréthes et soeurs niet et jour Des rotchièrs, tempêtes, feurs, enn'mîns; Garde-les achteu et à l'av'nîn; Et touos chant'tont ensembl'ye à Té Les louanges dé la tèrre et d'la mé. |
 |
Viyiz étout: