Les Pages Jèrriaises

 

Bouôn Dgieu, pus près dé Té

Nearer, my God, to Thee
 

Bouôn Dgieu, pus près dé Té,
Pus près dé Té;
Ouaithe qué ché sait eune crouaix
Tchi m'ravigote:
Jé chant'tai 'couo tout l'temps,
Bouôn Dgieu, pus près dé Té,
Pus près dé Té.

Ouaithe qué j'sais êdgithé,
Solé couochant,
Qué la niet gângne sus mé,
Qué j'sais sans liet;
Ah, dans mes réves tréjous -
Bouôn Dgieu, pus près dé Té,
Pus près dé Té.

Qué man c'min mène au Ciel
Gard-é mes pas,
Tout chein qué Tu m'envyies
Ch'est par bouonté:
Et pis l's anges tchi m'appellent -
Bouôn Dgieu, pus près dé Té,
Pus près dé Té.

Et don, quand jé m'rêvil'ye
Auve Tes lou-anges,
Ouaithe qué bâté d'chagrins
J'surmont'tai tout;
Ch'est en tchi par mes peines -
Bouôn Dgieu, pus près dé Té,
Pus près dé Té.

Âmen.

 

Vèrsion par F. Le Maistre

 

 

Viyiz étout:

 

 

Les Pages Jèrriaises