Les Pages Jèrriaises

Eune pièche dé Nativité

Nativity play

Dans eune êtabl'ye à Bethléhém, du monde hardi împortant sé trouvîtent ensembl'ye pour un êvénement bein espécial.

Marie et Joseph 'taient v'nu d'bein liain, et 'taient hardi lassée. I'n'pouvaient pon trouver nulle pont éyou rester pour la niet. Marie attendait un p'tit êfant autchun temps.

Marie donnit naîssance à un p'tit garçon. I lî'donnîtent lé nom, Jésû, I'tait lé fis du Bouôn Dgieu.

Des anges 'taient à èrgarder sus l'êtabl'ye pour sé faithe seûse qué tout fait bein. Lé Bouôn Dgieu les avait env'yée étou pour dithe ès bèrgers, tchi 'taient dans les clios, qu'un p'tit êfant, bein espécial, avait-té né.

Auprès qu'les bèrgers avaient ouï entouor chu p'tit êfant, i'fillîtent à l'êtabl'ye, vaie pour ieux-mêmes. Eune belle êtaile brilliante, èrliser en'd'ssus d'l'êtabl'ye.

Trais Rouais d'bein liain vîtent l'êtaile dans l'ciel étout, et la siévîtent montée sus lus chanmeaux, jusqu'à l'êtabl'ye. I'l'am'nîtent des présents auve' ieux, dé l'or, dé l'enchens, et dé la myrrhe.

Quand i'fûtent touos ensembl'ye i' r'mercîtent lé Bouôn Dgieu pour lé p'tit êfant, Jésû.

 

Ted Syvret

 

Viyiz étout:

 

Les Pages Jèrriaises