Les Pages Jèrriaises

 

Reste auprès d'nous

Abide with me
 

Reste auprès d'nous: L'arlévée prend s'n avo,
La niet s'en va beintôt nouos tchaie sus l'co:
Quand touos l's aut' dorment, et tch'i' n'sont pus dispos,
Ch'est Té, Seigneur, tchi nouos donne lé bouan r'pos.

Lé temps s'avanche: J'sommes accâbliés d'travas;
Les pliaisièrs du monde s'en vont à grands pas;
Ch'est l'change partout, et tout est sens d'ssus d'ssous,
Ô Seigneur tchi n'change pon, reste auprès d'nous.

J'avons bésoin d'Ta Présence et d'Tan s'cours:
Ch'est Ta grâce tchi nouos souôtcheint niet et jour;
Quand j'faithons appel Tu nouos aîgue tréjous;
Ô Sauveur, nouot' appias, reste auprès d'nous.

Jé n'craingnons rein sachant qué Tu'es d'amain,
Nouos peines dispathaîssent d'ichîn au lendemain:
La mort n'a pus d'êffrai pour lé fidèle,
Car ou l'condit dans l'bouan c'mîn d'L'Êtèrnel.

La veue d'La Crouaix nouos aîgue à r'prendre l'au-d'ssus
Et discèrner lé ciel driéthe les nues:
A sinne dé jeu les ombres sont dissous;
Dans la vie, dans la mort, reste auprès d'nous.

Amen

 

Vèrsion par George F. Le Feuvre

 

 

 

Viyiz étout:

 

 

Les Pages Jèrriaises