Les Pages Jèrriaises

Lé chein tchi plieuthe tout seu


O let him whose sorrow no relief can find

Lé chein tchi plieuthe tout seu
Et tch'est au m'sespé,
N'a qu'à prier l'Bouan Dgieu
Pour êt' consolé.

Lé pouôrre triste tch'est en deu
Et pliaint en cachette,
N'est pon vraînment tout seu
Ni dans l'oubliette.

L'Bouan Dgieu vait sa dêtresse :
I' connaît sa peine,
Et partage sa tristesse
Comme s'oulle 'tait la Sienne.

Lévez les ièrs au Ciel
S'ou pèrdez couothage.
Car ch'est d'là qu'l'Êtèrnel
Bénit et soulage.

Êssuie étout les lèrmes,
Veil'ye à londgeu d'jours ;
I' sèrt d'appias l'pus fèrme,
I' nouos donne san s'cours.

Toutes nouos peines et mînséthes
N'sont rein, quand nou pense
Au bonheu des sîncéthes
Qué Dgieu rêcompense.

Nouotr-é Seigneur Jésus
Nouos prépathe au Ciel,
La jouaie dé pâsser l'us
D'la vie êtèrnelle.

Âmen.

 

Vèrsion par George F. Le Feuvre

 

Viyiz étout:

 

Les Pages Jèrriaises