|
Oh louangiz lé Rouai dans la glouaithe ès cieux! I' règne Tout-Piêssant, sans pouôrreté ni peux. Not' d'fense et not' êtchu, dé tout lé pus vyi, pouor sa forche et s'n amour, j'dévthons lé louangi. Racontez sa grâce et touos ses pouvièrs: habilyi dans la lueu dé l'unnivèrs, sus l's ailes dé la tempête, i' cache san hèrnais pouor vengi lé ma et rêtablyi la paix. Au c'menchement dé tout, atout sén esprit, i' griyit la tèrre, dé bouonnes choses remplyie, sus un fond si fort qué nou n'peut d'aut' l'èrmuer, et tout l'tou des belles côtes, i' vèrsit la mé. La forche dé s'n amour, coumme tchi la m'suther? I' soûffl'ye dans la brise, i' lit dans l'solé, i' russelle des monts et i' d'vale des côtis, et douochement radouoche la rôsée et la plyie. J'sommes grées dé la tèrre, d's êfants du ponsi; il est tréjous seux - j'nos fions sus li, bein mînséthicordgieux et vrai à la fîn: Not' Criateu, D'fenseux, Rédempteux, Anmîn. Oh forche înfaillibl'ye, amour înfinni! Si là-haut les anges offrent lus chants dé ji, la fouaiblièche des fidèles n'êtoupe pon nos vouaix, et ichîn bas j'chantons: Oh louangiz lé Rouai! |
Viyiz étout: