Les Pages Jèrriaises

Ta main, Seigneu, a dgidé

Thy hand, O God, has guided
 sus l'air “Thornbury”



Ta main, Seigneu, a dgidé
Tan peupl'ye avaû les âges;
J'liêsons Tan m'sage tch'est êcrit
Bein cliaithement sus châque page.
Nos péthes tchi vîtent Tes beinfaits
Ont connu Tan bonheu,
J'en sommes acouo les têmoins:
Un peupl'ye, eune fouai, un Dgieu.

La bouonne nouvelle annoncée
Ès grands, tout comme ès p'tits,
Nos a c'mandé d'nos prêssi
À la tabl'ye d'Jésû Christ.
Nou dait faithe vivre Ta pathole
Dans l'esprit et dans l'tchoeu,
Pouor qué j'piêssons procliâmer:
Un peupl'ye, eune fouai, un Dgieu.

Ouaithe qué nos jours saient troubliés,
Qu'i' n'y'ait qué la nièrcheu,
La fouai s'sa tréjous gardée
Par l'Chrêtchien couothageux.
La bouonne nouvelle du salut,
Du pardon au pécheux,
Înspithe nos langues en dithant:
“Un peupl'ye, eune fouai, un Dgieu.”

Tu s'sas auve nous à janmais;
L'travas n'est pon finni,
Ta main s'en va nos aîdgi;
La victouaithe s'sa gângnie;
Et pis Tan nom s'sa louangi -
Les hoummes et l's anges en tchoeu
S'en vont chanter chu cantique:
“Un peupl'ye, eune fouai, un Dgieu.”

 

Viyiz étout:

 

Les Pages Jèrriaises