Les Pages Jèrriaises

Oyez! Oyez! La vouaix des Anges dans les Cieux

Hark! Hark, my soul! Angelic songs are swelling

Oyez! Oyez! La vouaix des Anges dans les Cieux
Chan'tant l'cantique du Seigneur Rédempteur:
Lus chant spirituel est l'aveu glorieux
Dé la vie êtèrnelle auve lé Sauveur.
O Anges du Seigneur, O Anges des Cieux,
Condîsez l'pélérîn dans l'c'mîn dé vos saints lieux!

Avanchons l'pas! Car chu cantique solonnel
Attithe nouos âmes, accâbliées ichîn-bas,
Au pid du Trône dans la d'meuthe dé l'Êtèrnel
Où-est qu'les peines et mînséthes ont pâssé l'pas.
O Anges du Seigneur, O Anges des Cieux,
Condîsez l'pélérîn dans l'c'mîn dé vos saints lieux!

Douoche comme lé son des clioches tchi sonnent l'Angélus.
La vouaix du Seigneur Jésus nouos appelle:
Nouos învitant, en compangnie des êlus,
Au sèrvice angélique dans l'tchoeur du Ciel.
O Anges du Seigneur, O Anges des Cieux,
Condîsez l'pélérîn dans l'c'mîn dé vos saints lieux!

Au crépuscule d'la vie tèrrestre et mortelle
Lé r'pos est doux, eune fais la tâche finnie:
O Bouan Bèrger! Apporte-nous la nouvelle
Qué Tu nouos attends là dans l'Paradis.
O Anges du Seigneur, O Anges des Cieux,
Condîsez l'pélérîn dans l'c'min dé vos saints lieux!

Anges du Bouan Dgieu, sentinelles dé Ses armées!
Chantez Ses louanges! Ch'est l'heuthe dé délivrance!
L'Aube céleste naît: La sombre niet est pâssée:
L'Amour dé Jésus est nouot' rêcompense!
O Anges du Seigneur, O Anges des Cieux,
Condîsez l'pélérîn dans l'c'mîn dé vos saints lieux!

Amen.

Saint Miché - vèrrinne dé Bosdet dans l'Églyise Pârouaîssiale dé Saint Jean
 

Viyiz étout:

 

Les Pages Jèrriaises