|
Souôl'vez vos tchoeurs! Seigneu, êcoute nos cris. J'apportéthons touos nos chants à tes pids: Cantiques et sieaumes qué j'chantons touos en tchoeu. Souôl'vez vos tchoeurs et louangiz lé Bouôn Dgieu! Souôl'vez vos tchoeurs! Laîssiz vos craintes driéthe et en espé adréchiz vos priéthes au chein tchi règne en glouaithe ès pus hauts lieux. Souôl'vez vos tchoeurs et louangiz lé Bouôn Dgieu! Souôl'vez vos tchoeurs! Èrnonchiz lé péché: lé mârrisson, l'ordgi, la pièrcheuseté, Èrnonchiz-les et r'pentiss'-ous achteu. Souôl'vez vos tchoeurs et louangiz lé Bouôn Dgieu! Souôl'vez vos tchoeurs! Avanchiz! Pitchiz bas les enhalaûdes et les abots du ma! La niet est horte; né v'chîn not' sinne dé jeu. Souôl'vez vos tchoeurs et louangiz lé Bouôn Dgieu! Souôl'vez vos tchoeurs! La mort n'a d'aut' d'pitchet. Lé gardeux d'brébis appelle san troupé. Et j'rêponn'nons, nos vouaix montant ès cieux: "Souôl'vez vos tchoeurs et louangiz lé Bouôn Dgieu!" |
Viyiz étout: