Tchil amour céleste et parfait

Love divine, all loves excelling

(s'lon san chouaix, sus l'air "Love Divine" dé Stainer, ou "Blaenwern", ou "Hyfrydol")

Tchil amour céleste et parfait
tch'est la grâce tchi d'vale sus nous!
Humbliément j'èrchév'thons la jouaie
du Bouôn Dgieu tch'aim'tha tréjous.
Jésû, tu'es not' gardeux d'brébis
tch'aime tan troupé sans lînmite.
Auve un tchoeu trembliant et rêjoui
j'espéthons ta sainte vîsite.

Veins, Tout-Piêssant, vèrse tes beinfaits
dans nos tchoeurs – ch'est qu'tu nos empl'ye.
Veins quédaine, oh Seigneu, pouor graie
ta d'meuthe, et n'tchitte d'aut' tes templ'yes.
J'allons té sèrvi, oh Seigneu,
chantant auve les séraphîns
des cantiques dans les pus hauts lieux,
té louangeant sans but ni fîn.

Soûffl'ye lé r'confort dé tén Esprit
dans châque âme tch'est au m'sespé!
Reste acanté nous pouor aîdgi;
J'trouv'thons not' èrpos en té.
Not' quémenchement est dans la fouai;
Dans tan règne n'y'étha d'aut' ma.
Au but, èrchai-nous dans ta paix;
Sai l'Alpha et l'Oméga.

Finni don ta neuve créâtion,
qu'ou sait puthe et èrnouv'lée.
Fai nos vaie ta donminnâtion;
tout l'Unnivèrs est à té.
N'y'a pon d'pus grande jouaie qué d'aver
à chanter nos louanges au Péthe;
N'y'a pon d'jouéyau à compather
auve la couronne dé ta glouaithe!