|
Avanchons souotre ses bouonnes banniéthes, viy'-ous la crouaix et sa leunmiéthe? Né v'là la chai d'la Criâtion racatée pouor not' vièr trison. Clioué au bouais, i' fut pèrchi par l'arme d'un soudard et sangnit; chu sang bénîn et ch't' ieau divinne, né v'là dans tchi qu'i' nos ouâchinne. Dâvi l'chantit au temps pâssé: not' Bouôn Dgieu triomphe sus l'gibet, et sus tout l'monde i' règnétha jutchi sus l'haut d'un bouais rouoya! Un arb' sans fielles, mais fieillu d'glouaithe, tchi portait l'frit dé chu mystéthe, et d'san pourpre sang fut arrouôsé, pouor mett' ainchîn un nobl'ye manté! Ses branques, des bras tch'ont bein souob'sé lé prix tch'a couôté nos péchés; y'avait raîque li tchi put l'payi et tuer la mort: not' Jésû Chri. À té don, tréjous Trais en Iun, j'prions, nous, tréjous bein offruns; et racatés par la sainte crouaix, j'priethons tréjous à l'Iun en Trais. |
Viyiz étout: