Les Pages Jèrriaises

Anges ès ailes êgaluantes

Ye holy angels bright

Anges ès ailes êgaluantes
tchi d'meuthent ès pus hauts lieux
dans la glouaithe triomphante,
louangiz auve nous l'Seigneu!
Aîdgiz not' chant
dé hôsannas
d'achteu jusqu'à
la fîn du temps!

Les cheins tch'ont pâssé l'pas
lus rêjouissent dans l'Bouôn Dgieu,
et chantent d's alléluias,
êcliaithis par sa lueu.
Aîdgiz not' chant
dé hôsannas
d'achteu jusqu'à
la fîn du temps!

Les saints tchi siévent san c'mîn,
chantent lus cantiques au Rouai,
en rassembliant d's anmîns
dans l'tchoeu du Prînce d'la Paix.
Aîdgiz not' chant
dé hôsannas
d'achteu jusqu'à
la fîn du temps!

Ouaithe qu'ou sait horte d'êtchèrre,
la Criâtion est belle.
Toutes les nâtions d'la tèrre
en chantent des louanges au ciel.
Aîdgiz not' chant
dé hôsannas
d'achteu jusqu'à
la fîn du temps!

Atchil'ye not' chant d'espé,
not' Gardeux dé brébis,
auve tout tan bouôn troupé
seûth'tabl'ye sus tan Rotchi!
Aîdgiz not' chant
dé hôsannas
d'achteu jusqu'à
la fîn du temps!

 

Viyiz étout:

 

Les Pages Jèrriaises