Mettez d'l'hielle dans l'crâsset,
Et pis, à sa leunmiéthe,
Faites la longue veille dès à ces sé,
En lou-ange et priéthe!

En garde! - nouos dit Jésus
Tchi nouos siet pas à pas,
Pouor nouos aîdgi à r'prendre l'au-d'ssus
Quand j'avons l's esprits bas.

Tchi bonheu spirituel
D'adorer Jésus Chri',
Et dé L'vaie là sus l'Trône, au ciel.
À l'heuthe du drein respi!

Ch'est seux, qu'à bras ouvèrts,
I' nouos f'tha les beinv'nus:
Car I' nouos a tréjous offèrt
Eune pliaiche auve Ses êlus!

Péthe, Fis, et Saint Esprit,
Et Seigneur et Sauveur:
D'à ch't heu jusqu'à la fîn des fîns,
À Vous glouaithe et honneur!

Amen.

Vèrsion par George F. Le Feuvre