Les Pages Jèrriaises

 

Tan nom, Jésû, est doux à l'ouïe

How Sweet the Name of Jesus Sounds in a Believer's Ear
 

Tan nom, Jésû, est doux à l'ouïe
Des cheins tchi craient en Té!
Il adouochit lus avâries,
Quand i' sont au m'sespé.

I' rêtablyit la vie troubliée,
Et r'calme sa douleu;
Il est lé r'pos d'l'âme affanmée,
Par Sa grâce, Ô Seigneu.

Tan nom, étout, est l'gros rotchi
Sus tchi qué j'mé cramponne,
Car là, lé chrêtchien naûfragi
Trouve la paix qu' Tu li donnes.

Jésû, man Bèrger et m'n anmin,
Tch'est en d'ssus d'touos les Anges,
Man c'menchement, ma vie, et ma fîn,
Èrchai don mes lou-anges.

Oh! Qué j'aspithe à T'aimer mus,
Et pouver m'asseûther
D'eune pliaiche auve Té, Seigneur Jésû,
Pour toute l'êtèrnité.

En attendant l'jour du trépas,
Qué Tan nom sait louangi,
Pour Tch'i' veinge adouochi 'chîn bas
L'moment du drein respi.

Âmen.

 

Vèrsion par George F. Le Feuvre

 

 

 

Viyiz étout:

 

 

Les Pages Jèrriaises