Les Pages Jèrriaises

Vièr Rotchi

Rock of Ages

Vièr Rotchi, froutchi pouor mé,
qué j'mé muche tréjous en té;
touos les deux - lé sang et l'ieau -
tchi d'gouttaient tan corps avaû:
qu'i' lavent hors man nièr péché
pouor m'sauver et puthifier.

Même si j'chinne s'lon toute ta louai,
man travas n'est janmais fait,
Si à m's êfforts n'y'a pon d'tèrme,
si j'en plieuthe et jette des lèrmes,
tout n'vaut rein pouor m'racater:
j'ai raîque té, et tu'es assez.

J'y sis v'nu au d'sans, ah mais!
jé m'sis crocheté à la Crouaix;
nu, j'sis pouor êt' rabilyi;
încapabl'ye, jé d'mande pitchi;
nièr, j'vais au dou à laver;
mort - sans té à m'ouâchinner.

Quand j'veindrai au drein soupi,
quand jé f'thai man drein clyîn dg'yi,
quand j'mont'tai au Paradis
et t'vèrrai à ta jug'gie,
Vièr Rotchi, froutchi pouor mé,
qué j'mé muche tréjous en té.

 

 

Viyiz étout:

 

Les Pages Jèrriaises