|
D'vale don, Amour dé Dgieu, veins qu'si mén âme achteu et caûffe-la atout chutte caleu qu'oulle èrchait. Vé-t-en, Consolateu, et ichîn dans man tchoeu râcote lé feu d'man d'si pouor qu'i' brûle dèrché. Assa qu'i' preinge à feu et qu'les pâssions d'achteu touônnent dêliêment dans l'feu en chendres et ponsi; et qu'la lueu dé ta glouaithe lithe tréjous caude et cliaithe sus lé c'mîn sus tchi jé sis à avanchi. Épis qu'man pouôrre humb'lye tchoeu, r'fraidgi à san tout seu, fliambe dans chu fou divîn dé l'âme et du corps. Qué ta fliambe sait eune veue tchi mène à chu bonheu tchi m'enfliube atout les riches robes du r'confort Êgaluant en pouvé, pus brûlant qu'lé solé, êcaûdant bein pus que j'pouôrrais raconter; né v'là chu feu du d'si satchi par l'Saint Esprit tchi d'vale sus tous auve s'n amour et sa bouônté.
|