Les Pages Jèrriaises

Ta d'meuthe est un endrait d'bieauté

(d'auprès l'Sieaume 84 dans l'Sieautchi Êcôssais d'1650)
sus l'air, par exempl'ye, McKee


Ta d'meuthe est un endrait d'bieauté
pouor mé, est-i' pliaîthant!
Mén âme a la fièvre pouor entrer
siez l'Seigneu Tout-Piêssant!

M'n esprit est haitchi pouor ta glouaithe,
pouor vaie t's appartéments.
Man tchoeu et ma chai sont à braithe
pouor té, oh Dgieu vivant!

Êv'chîn i' trouve, lé p'tit mouosson,
du run pouor sén abri;
l'héthonde étout trouve eune maîson
pouor y bâti san nid.

Véthe, en seûth'té sus tes autés,
ou peut louogi ses oeux
siez té, oh Seigneu des armées,
tch'es man Maît' et man Dgieu!

I' d'meuth'thont siez té à t'louangi
dans chu lieu beinheutheux;
dans la fouai tréjous renforchis
auve tén amour au tchoeu.
 

Viyiz étout:

 

Les Pages Jèrriaises