En garde ! - En garde pour Jésus !
Êcoutez bein sa vouaix :
Aussi bein d'jour comme dé niet,
I' faut vilyi sans r'lais !
N'donnez pon d'pid au Satan
Tchi chèrche à vouos tromper :
Faites-lé èrbrousser quémîn,
I' n'faut pon l'charloter !

En garde ! - En garde pour Jésus !
La trompette sonne l'appel !
À nous dé nouos mett' au dget
Et d'sèrvi L'Êtèrnel !
Lé dangi n'nouos êpeûthe pon,
Car j'avons l'asseûthance
Qué L'Seigneur est d'nouot' côté,
Et s'sa nouot' délivrance !

En garde ! - En garde pour Jésus !
Armés auve l'Êvangile,
Tch'est l'moueu dé nouos armueûthies,
J'pouvons gângni d'affil !
Allons, don, vite à l'assaut !
Et, la victouaithe gângnie,
Lé Ciel es'sa nouot' Asile,
Car la tâche s'sa finnie !

En garde ! - En garde pour Jésus !
L'jour dé paix est d'amain :
J'combattons acouo aniet
Pour êt' victorieux d'main !
Jésus donne la rêcompense
Ès cheins tchi l'ont gângnie :
I' s'sont pour l'Êtèrnité
Auve Li dans l'Paradis !

Amen

Întèrprétâtion par
George F. Le Feuvre