Les Pages Jèrriaises

Ta Majesté, O Seigneur Dgieu

My God, How Wonderful Thou Art

 

Ta Majesté, O Seigneur Dgieu,
Est glorieuse et brillante:
Sa lueu êcliaithe lé c'mîn du ciel
Comme eune aurore ardente!

Oulle êgalue l'pouorre pélérîn
En c'mîn pour les saints lieux,
Mais Ta miséricorde lé garde
Et l'condit vèrs les cieux!

Tén âge est incompréhensibl'ye
O Dgieu et péthe Bénin:
Oulle est dé janmais à janmais,
Sans c'menchement et sans fîn!

Jé n'pouvons dgéthe envisagi
Ta fache, O Êtèrnel,
Mais j'nouos prostèrnons humbl'yément
En hommage pèrpétuel!

Oh, comme j'T'aimons, Seigneur Jésus,
Auve eune tendresse profonde,
Et jé chantons sans cesse Tes louanges
Dans T'n Églyise partout l'monde!

I' n'y'a ni péthes ni méthes sus tèrre
Tch'aiment lus êfants comme Té,
Car Tu vil'ye sus ieux niet' et jeu
Du matin jusqu'au sé.

Quand l'jour veindra, O péthe Céleste,
Qu'la trompette sonne l'appel:
Condis nouos pas au pid du Trône
Dans lé r'pos êtèrnel.

Amen

 

Vèrsion par George F. Le Feuvre

 

Viyiz étout:

 

Les Pages Jèrriaises