Les Pages Jèrriaises

La Bouonne Nouvelle s'lon Mar

chapitre 4, vèrsets 35-41

Tchi qu'il est, qué même lé vent et la mé lî'obéissent? Et i' lus dit chu jour-là au sé, "Crouaîsons don à l'aut' bord." Et ayant renv'yé l'monde, i' l'prîntent, coumme i' 'tait, dans l'baté. Et y'avait d'aut's pétits batchieaux acanté li étout. Et y'eût eune grande tempête, et les louêmes battaient dans l'baté à seule fîn dé l'remplyi. I' 'tait dans l'driéthe du baté à dormi sus l'siège du batélyi; i' l'rêvilyîtent et lî dîtent: "Maît', n'es-tu pon gêné si j'péthissons?" I' s'rêvilyit et lichonnit l'vent et dit à la mé, "Tais-té! Calme-té!"Et l'vent tchit et y'eût un grand calme. Et i' lus dit, "Pouortchi qu'ous êtes êpeûthés? Pouortchi qu'ou n'avez pon d'fouai?" Et i' fûtent divèrsément êmèrvilyis et lus entré-dîtent, "Tchi qu'il est, qué même lé vent et la mé lî'obéissent?"  

Viyiz étout:

 

Les Pages Jèrriaises