Aut'fais, avant la R'formâtion, y'avait un tas d'crouaix par les c'mîns en Jèrri. Y'avait eune crouaix dans l'Vièr Marchi, et j'viyons dans nos nons d'pliaiches en Jèrri tchiques mémouaithes dé ches crouaix-chîn: par exempl'ye à la Crouaix d'Bouais, ou ès Hautes Crouaix. Mais ches crouaix fûtent pitchies bas duthant la campangne contre les supèrstitions èrligieuses qué nou m'nait à chu temps-là.

Pouor lé Millénaithe, eune crouaix fut plaichie dans châque Pâraîsse - mais la cheinne à St' Hélyi est la seule auve du Jèrriais sus.

Bein seu, j'avons eune crouaix d'St. Patrice sus not' couleur d'Jèrri.

Et y'a bein d'difféthentes sortes dé crouaix qu'nou peut vaie. Né v'chîn tchiques exempl'yes:

la crouaix Celtique
la crouaix d'Lorraine
la crouaix d'Malte
la crouaix d'St. George
la crouaix d'St. André
la crouaix d'St. Patrice
la crouaix Grècque
la crouaix Latinne
la crouaix Russe