Lé Seigneur est man Bèrger; i' n'mé manqu'tha d'rein.
I' m'condit ès vèrtes pâtuthes des prés pouor qué j'm'èrpose; I' mé mène lé long des cannieaux trantchil'yes et rafraîchissants;
Quand j'ai l's esprits bas I' m'les ravigote; I' m'condit dans les bouons c'mîns, comme lé bouôn Bèrger tch'Il est.
Ouaithe qué ma route mène à travèrs eune sombre vallée, auve l'ombre d'la mort tout à l'entou, jé n'craindrai autchun ma, car Tu'es tout au pid d'mé; Ta chouque et Tan cro mé donnent du couothage.
Quand même qué mes ennemîns m'vengent, Tu m'mets eune tabliée l'avant à mé; Tu m'oins la tête d'hielle; Tu m'rempl'yes man dgichon jusqu'au bord.
Toute ma vie jé jouithai d'Ta bouônté et dé T'n amiêtchi, et jé d'meuth'thai dans la maiethon d'l'Êtèrnel pouor tréjous.
Lé Seigneu est man gardeux d'brébis; jé n's'sai pon au d'sans. I' m'fait couochi dans des vèrtes pâtuthes; i' m'mène par l's ieaux d'èrpos; i' ravigote mén esprit. I' m'mène par les bouôns c'mîns pouor l'amour d'san nom.
Ouaithe qué j'marche par l'pus nièr des vaux, i' n'y'a pon d'ma tchi m'êffrite; viyant qu'tu'es acanté mé; tan bâton et ta chôlatte mé sont rasseûthants.
Ou griyiz eune tabliée l'avant à mé là où'est qu'i' sont m's enn'mîns; tu'onguenne ma tête atout dé l'hielle; man mogue est à dêborder. Raîque d'la bouônté et des beinfaits veindront souotre mé châque jour d'ma vie, et jé d'meuth'thai siez l'Seigneu toute ma vie.
Viyiz étout: