Les Pages Jèrriaises

Sieaume 130

Dé d'dans l'avanteu j't'ai crié, oh man Dgieu.
Êcoute-mé don, oh Seigneu, qu'tes ouothelles saient cônées pouor êcouter ma vouaix d'priéthe.
Oh man Dgieu, si tu r'mèrtchais touos les péchés, tchi qui y'êcapp'thait?
Mais y'a l'pardon dans té, et nou-s'en est r'mèrciant.
J'espéthe lé Seigneu, mén âme l'espéthe, et m'n espé est dans sa pathole.
Mén âme vil'ye en espé du Seigneu pus qu'les cheins tchi vil'yent jusqu'au matîn, véthe, qué les cheins tchi vil'yent jusqu'au matîn.
Oh Israël, espéthe lé Seigneu, viyant qu'auve li est la mèrci et l'salut en tout,
et i' racat'ta Israël dé touos ses péchés.
 

Viyiz étout:

 

Les Pages Jèrriaises