"I' m'ont grandement mîns bas d'pis ma jannèche," qu'Israël lé diche; "I' m'ont grandément mîns bas d'pis ma jannèche, mais i' n'ont pon gângni d'victouaithe sus mé. Des t'neurs dé tchéthue m'ont touônné l'dos et y'ont fait d'longues raies. Mais l'Seigneu est juste; i' m'a d'samathé des cordes des înjustes." Qué touos les cheins tchi détestent Sion saient renvyés dé honte. Qu'i' saient coumme l'hèrbe sus l'lief tch'êmortit d'vant qu'ou piêsse craître; un scieux n'peut pon en remplyi ses mains ni un avouôteux n'peut pon en remplyi ses bras. Qu'les cheins tchi pâssent né lus dichent pon, "Qu'la bénédiction du Seigneu sait sus vous; j'vos bénissons dans l'nom du Seigneu."
Viyiz étout: