Té-pliaît-i', oh Seigneu, m'sauver! Oh Seigneu, trînmousse-té pouor v'nîn à m'n aîgue! Qu'les cheins tchi veulent m'mêfaithe saient ahontés et morfondus. Qu'les cheins tchi veulent mé faithe ma saient dêtouônnés et d'shonothés. Qu'les cheins tchi dithent ah! ah! r'broussent quémîn par cause d'lus honte. Qué touos les cheins tchi t'chèrchent lus rêjouissent et saient heutheurs en té. Qu'les cheins tch'aiment tan salut dichent tréjous, "L'Bouôn Dgieu est grand!" Mais j'sis pauvre et au d'sans, mé; trînmousse-té pouor v'nîn à mé, oh man Dgieu! Tu'est m'n aîgue et man saûveux, oh Seigneu, n'ânionne pon!
Viyiz étout: