Jé t'louangeons, O Dgieu, jé t'louangeons car tan Nom est d'amain; nou pâle dé tes mangnifiques faits.
Tu dis, "Ch'est mé tchi chouaîsis l'heuthe tèrmiée, ch'est mé tchi juge atout la justice. Quand la tèrre et tout san peupl'ye trembl'yent, ch'est mé tch'affèrmis ses pilièrs. Ès rupés j'dis, 'Né cratchiz d'aut',' et ès malfaiteurs jé dis, "N'vos l'vez pon les cônes. Né vos l'vez pon les cônes contre lé ciel; né palez pon si dêfiammant,'"
Fis d'âme dé l'Êst ni du Vouêt ni du d'sèrt n'peut sé l'ver. Ch'est l'Bouan Dgieu tchi juge: i' pique bas l'iun, i' lève à haut l'aut'. Dans les mains du Seigneu y'a un mogue remplyi d'vîn êtcheunmeux et êpicé; i' l'vèrse, et touos les malfaiteurs d'la tèrre lé baivent jusqu'à la lyie.
Pouor dé me, j'dêcliath'thai chennechîn à tout janmais; jé chant'tai des louanges au Dgieu d'Jâcob, tchi dit, "J'cop'thai les cônes à touos les malfaiteurs, mais les cônes des justes es'sont êl'vées."
Viyiz étout: