Les cheins tchi lus confyient au Seigneu sont coumme lé mont d'Sion, tchi n'peut pon êt' châtchi mais tch'enduthe à janmais. Coumme les mots entouothent Jéthusalem, lé Seigneu entouothe dé même san peupl'ye achteu et à tout janmais. Lé scèpt' du malîn n'restétha pon sus la tèrre lotée ès justes, à seule fîn qu'les justes né faichent pon sèrvi lus mains pouor lé ma. Seigneu, êtrueûle tes beinfaits sus les bouôns, sus les cheins tch'ont les tchoeurs draits. Mais pouor des cheins tchi lus touônnent ès c'mîns d'la mauvaîtchi, qu'lé Seigneu l's achouêmîsse acanté les malfaiteurs. Qu'la paix sait sus Israël.
Viyiz étout: