Les Pages Jèrriaises

Sieaume 16

Protège-mé, oh Seigneu, car jé m'sis fié à t'n abri. J'di au Seigneu, "Tu'es man Seigneu; j'n'ai rein d'bein sans té." Et pouor les saints d'la tèrre, i's sont d'la noblièche et j'en sis d'hait. Les cheins tchi sièvent tchique aut' Dgieu lus r'chèrgent dé peines. J'n'en baithai pon d'lus sacrifices dé sang et mes lèvres né prononch'chont pon lus noms. Lé Seigneu est man partage d'héthitage et ma modgie. Les frontchiéthes ont 'té bornées pouor mé par des bords pliaîthants; j'ai un bouôn héthitage. J'bénithai l'Seigneu tchi m'a avisé; j'ai des bouôns avis dans man tchoeu duthant la niet. J'vai l'Seigneu tréjous l'avant à mé, car il est à ma dêtre pouor qué jé n'sai janmais chôlé. Et né v'là pouortchi qué j'm'en rêjouissais et j'faîthais des brais d'jouaie et ma chai viv'tha en espé viyant qu'tu n'dêdgèrpithas m'n âme en enfé ni allouêthas qu'tan saint chouaîsi sait péthînmé. Tu m'as fait assaver les c'mîns d'la vie, et ta main dêtre offre du ji à tout janmais.

 

Viyiz étout:

 

Les Pages Jèrriaises