Les Pages Jèrriaises

Sieaume 29

Prêchiz au Seigneu, oh fis des dgieux, prêchiz au Seigneu d'sa glouaithe et d'sa forche! Prêchiz au Seigneu d'la glouaithe dé san nom; louangiz-lé quand s'n êcliat géthit! La vouaix du Seigneu est sus l's ieaux; lé Dgieu d'la glouaithe fait d'l'ôrage, lé Seigneu est sus les grandes ieaux. La vouaix du Seigneu est remplyie d'pouvé; la vouaix du Seigneu est majestueuse. La vouaix du Seigneu bûche les cèdres; lé Seigneu bûche les cèdres du Liban. I' fait l'Liban saûticoter coumme un vieau et l'Mont Hèrmon coumme un bouétot. La vouaix du Seigneu fait géthi d's êparts dé feu; la vouaix du Seigneu châque lé d'sèrt; lé Seigneu châque lé d'sèrt dé Kadès. La vouaix du Seigneu fait naître des chèrs et êffreûle les bouais, et dans san Templ'ye touot l'monde dithent "Glouaithe!" Lé Seigneu siège sus l'fliot, lé Seigneu y régnétha à tout janmais. Lé Seigneu renforchitha san peupl'ye; lé Seigneu bénitha san peupl'ye atout sa paix.

 

Viyiz étout:

 

Les Pages Jèrriaises