Jé t'louang'geai, Seigneu, atout tout man tchoeu; l'avant ès dgieux jé t'chant'tai des louanges. Jé m'prostèrnéthai dans tan saint templ'ye et j'louang'geai tan nom pouor l'amour dé t'n amour tchi n'manque janmais et d'ta fidélité, ch'est en tchi tu'as si haûchi ta pathole au-d'ssus d'toute ta r'nommée. Quand j't'ai crié, tu m'as rêponnu; tu m'as fortifié grandément. Qu'touos les rouais d'la tèrre té louangent, Seigneu, quand i' ouaient chein qu'tu'as c'mandé. Qu'i' chantent les c'mîns du Seigneu, car la glouaithe du Seigneu est grande. Ouaithe qué l'Seigneu sait haut êl'vé, i' r'garde les humbl'yes auve d'la douocheu; bein haûchi, i' les vaient d'au liain. Ouaithe qué j'marche lé travèrs du hèrtchîn, tu m'prêsèrve la vie. Tu'aveins ta main contre la mârrisson d'mes enn'mîns; atout ta main dêtre tu m'sauve. Lé Seigneu m'justifiétha; t'n amour, Seigneu, enduthe à janmais - n'lâque pon chein qu'tu'as fait atout tes mains.
Viyiz étout: