Les Pages Jèrriaises

Sieaume 110

Lé Seigneu dit à man Seigneu: assied-té à ma dêtre entréchîn qué j'faiche tes enn'mîns tan sictîn. Lé Seigneu env'yêtha tan bâton hors d'Sion; règne sus tes enn'mîns! Tan monde veindront d'bouôn tchoeu quand tu les somm'thas. Dans la sainte glouaithe dé l'assinne, tes jannes gens géthithont coumme d'la rôsée. Lé Seigneu l'a juthé et i' n'chang'gea pon d'avis: tu'es un prêtre à tout janmais, un rouai dé drouait s'lon ma pathole. Lé Seigneu est à ta dêtre et mînch'cha des rouais au jour d'sa mârrisson. I' jug'gea entré les nâtions, les rempliétha d'cadâvres, bûch'cha des têtes partoute la tèrre. Il en baitha du dou par lé c'mîn et s'en lèv'tha la tête.

 

Viyiz étout:

 

Les Pages Jèrriaises