Ès bords des riviéthes dé Babylonne jé nos assiévînmes et plieuthînmes quand j'nos souvînmes dé Jéthusalem. Là sus les peuplièrs j'pendînmes nos hèrpes, ch'est en tchi ch'tait là qu'les cheins tchi nos avaient emm'né en captivité nos d'mandîdrent dé chanter des patholes dé cantiques et nos talbatîdrent dé chanter auve d'la jouaie; i' dîdrent, "Chantez-nous ieune des chansons d'Sion!" Coumme tchi qué j'pouvons chanter les chansons du Seigneu quand j'sommes à l'êtrangi? Si j'vos oublyie, Jéthusalem, qu'ma main dêtre pèrde sén ajet. Qu'ma langue mé cliute au palais si jé n'm'en souveins d'té, si jé n'considéthe Jéthusalem la pus haute dé mes jouaies. Souveins-té, Seigneu, d'chein qu'les Édomiens dîdrent lé jour qué Jéthusalem tchiyit. "Abattez-lé, abattez-lé par lé pid!" Fil'ye dé Babylonne, destinnée à la ruinne, heutheux s'sa l'chein tchi t'èrpaietha s'lon chein qu'tu nos a fait. Heutheux s'sa l'chein tchi gaff'tha tes mousses et les jouôt'ta contre les rotchièrs.
Viyiz étout: