Si l'Seigneu n'avait pon 'té d'not' bord - qu'Israël lé diche - si l'Seigneu n'avait pon 'té d'not' bord quand les gens nos ont attatchis, i' nos éthaient engaûmé touos vivants quand lus mârrisson s'enfliambit contré nous; lé g'luge nos éthait nyé, l'torrent nos éthait engolfé, l's ieaux enfliées nos éthaient lavé hors. Qu'lé Seigneu sait louangi tchi n'nos a pon laîssi êt' gaffés par lus dents. J'avons happé la pathe coumme un ouaîthé dé d'dans l'lachon du chasseux; l'lachon a 'té bûchi et j'nos en soummes êcappés. Not' aîgue est dans l'nom du Seigneu, l'griyeux du ciel et d'la tèrre.
Viyiz étout: