Les Pages Jèrriaises

Sieaume 93



Lé Seigneu est not' Rouai et il a mîns sa robe dé glouaithe. Il a mîns sa robe et sa cheintuthe dé forche. Lé monde a 'té êtablyi si fèrmément qu'i'n'craûl'la janmais.

Tan trône a 'té êtablyi d'pis lé c'menchement et té, tu'es êtèrnel.

L's ieaux ont êl'vé, oh Seigneu, l's ieaux ont êl'vé lus vouaix. Il' ont êl'vé lus louêmes.

Lé Seigneu au ciel est pus fort qu'lé brit des ieaux piêssantes, véthe, il est pus fort qu'les louêmes d'la mé.

Chein qu'tu dis, oh Seigneu, est sans autcheune doute; ta maîson méthite la saint'té à tout janmais.

 

Viyiz étout:

 

Les Pages Jèrriaises