Alléluia! Bénis sont les cheins tchi craingnent lé Seigneu, tchi trouvent du grand pliaîsi dans ses c'mandes. Lus êfants s'sont piêssants dans l'pays; la généthâtion des draits s'sa bénie. Du bein et d'la richesse sont siez ieux, et lus justice enduthe à janmais. Même dans la nièrcheu la leunmiéthe sé lève pouor les draits, pouor les cheins tchi sont grâcieurs et mînséthicordgieurs et justes. La bouonne volanté veindra ès cheins tchi sont génétheurs et prêtent librément. Pouor lé seux les justes né s'sont janmais châtchis, i' s'sont ramembrés à tout janmais. I' n'éthont pon d'peux d'la mauvaise nouvelle; lus tchoeurs sont fèrmes, dans l'asseûthance du Seigneu. Lus tchoeurs sont seûth'tabl'yes, i' n'éthont pon d'peux; à la fîn i' r'gardéthont en triomphe lus enn'mîns, lus justice enduthe à janmais; lus cône est l'vée hautement en honneu. Lé malîn vèrra et s'sa gêné, i' lus grînch'chont les dents et d'péthithont; lé d'si des malîns veindra à rein.
Viyiz étout: