Quand l'Seigneu ram'nit les dêportés à Sion, j'têmes coumme les cheins tchi rêvent. Nos bouoches 'taient remplyies d'rithie, nos langues dé chants d'jouaie. Épis nou dîthait parmi les nâtions, "Lé Seigneu a fait des grandes choses pouor ieux." Lé Seigneu a fait des grandes choses pouor nous, et j'soummes remplyis d'jouaie. Ramène-nous nos dêportés, Seigneu, coumme les cannieaux tchi coulent dans les d'sèrts du Sud. Les cheins tchi sèment auve des lèrmes, èrcoltéthont auve des chants d'jouaie. Les cheins tchi lus dêhalent en plieuthant et en portant d'la s'menche à s'mer, rentréthont auve des chants d'jouaie, en portant des dgèrbes auve ieux
Viyiz étout: