Lé Bouôn Dgieu est r'connu en Judée; san nom est grand en Israël. Sa tente est dans Salem, et sa d'meuthe est en Sion. Là i' bûchit l's èrchelles êtînchélantes, l's êtchus et les sâbres, les armes dé la dgèrre.
Tu'es lithant, pus mangnifique qué les montangnes riches en gibyi. Les couothageurs ont 'té pilyis; i' dorment lus drein sommé; n'y'a autchun des dgèrrièrs tchi peut dé l'ver les mains. Tu l's as lichonné, Dgieu d'Jâcob, et lé j'va et l'tchéthiot sont arroués.
Y'a raîque té tch'est à êt' craint. Tchi qui peut s'mâter l'avant à té quand tu'es mârri? Du ciel tu'annonchis l'jugement et la tèrre fut êffritée et s'tut, quand té, O Dgieu, tu tt'mâtis à jugi, à seule fîn d'sauver touos l's afflyigis du pays. Pouor dé vrai ta mârrisson contre l'humannité t'apporte des louanges, et les survivants d'ta mârrisson sont agencés.
Vou'-ous au Seigneu vot' Dgieu et gardez vot' pathole. Qué touos les pays vaîthîns apportent des dons au Chein à craindre. I' bûche l'esprit des gouvèrneurs, il est craint par les rouais d'la tèrre.
Viyiz étout: