Les Pages Jèrriaises

Sieaume 4


Oh Dgieu tch'es juste, rêpond-mé d'pis j'té crie. Tu m'as bailli du run quand j'n'en avais pon. Ai pitchi d'mé et êcoute ma priéthe. Entre vous, fis d'hommes, combein longtemps qu'ou touônn'nez acouo ma glouaithe en honte, qu'ous aim'thez acouo la vannité et qu'ou chèrchéthez pouor des menneties? Ou saithez qu'lé Seigneu a mîns à côté pouor li iun tchi s'mannyie bein. L'Seigneu est seux d'êcouter quand j'criethai à li. Séyiz gênés et n'faites pon d'ma, pensez en vous-mêmes sus vot' liet et t'n'-ous en r'pos. Sacrifyiz coumme i' faut et fi'-ous au Seigneu. Y'en a tchi dithent: "tchi qui nos mouontrétha l'bein. Met sus nous la cliarté d'ta fache, oh Seigneu." Tu'as mîns pus d'jouaie dans man tchoeu qu'il' en ont dans l'pus fort d'lus blié et d'lus miyeu vîn. J'mé couoch'chai et j'dormithai en paix car ch'est té à tan tout seu tch'est l'Seigneu; tu mé f'thas d'meuther en seûth'té.

 

Viyiz étout:

 

Les Pages Jèrriaises