Les Pages Jèrriaises

Sieaume 11

Jé m'sis fié au Seigneu; pouortchi don dithe à m'n âme, "Envole-té coumme au ouaîsé au mont?" Êv'chîn l's ars des malfaiteurs sont bandés, i' sont à mett' lus èrchelles sus la corde à seule fîn d'les tither en cache-muche contre les cheins tchi sont justes dans lus tchoeu. Si les fondâtions sont en d'lacres, tch'est qu'un houmme juste étha à faithe? Lé Seigneu est dans san saint templ'ye; lé trône du Seigneu est dans l'ciel; il a l'yi sus l's êfants d's hoummes et les met à l'êpreuve. Lé Seigneu met à l'êpreuve lé juste et l'pécheux, mais il a eune hie contre lé chein tch'aime la bastaude. Il enviêtha du feu et des fliambes ava sus l'malfaiteux, et un vent brûlant étout; nou-s'en s'sa soupé. Ch'est en tchi l'Seigneu est juste; il aime la justice; les justes lé vèrront d'fache.

 

Viyiz étout:

 

Les Pages Jèrriaises