Et l'traîsième jour y'eut des neuches à Cana en Galilée, et la méthe à Jésû y 'tait, et Jésû acanté ses discipl'ye 'taient învités étout. Nou vînt à court dé vîn, et la méthe à Jésû lî dit, "I' n'ont pon d'vîn." Jésû lyi dit, "Tch'est qu'en est pouor mé et té, femme? M'n heuthe est acouo à v'nîn." Sa méthe dit ès sèrvants, "Tout chein qu'i' vos dit, faites-lé." Y'avait siêx auges en pièrre, pouor l'ieau pouor la lav'thie s'lon la couôteunme des Juis, tchi cont'naient châtcheune dg'ieux deux-trais m'suthes. Jésû lus dit, "Remplyissez l's auges dg'ieau." Et i' les remplyîtent jusqu'au bord. Et i' lus dit, "Achteu, cruchiz et emportez-en au maît' d'la fête." Et il' en emportîtent. Quand l'maît' d'la fête avait gouôté l'ieau tchi 'tait achteu du vîn, il app'lit l'mathié, car i' n'savait pon dé ioù qu'lé vîn vînt (mais les sèrvants, i' savaient, ieux). I' lî dit, "Châtchun sèrt l'bouôn vîn pouor c'menchi, et quand touos sont rassâsiés, i' sèrt l'piéthe, mais tu'as gardé l'bouôn vîn jusqu'ichîn.
Ch'fut lé c'menchement des sîngnes grées par Jésû à Cana en Galilée, quand i' mouontrit sa glouaithe, et ses discipl'yes crûtent en li.
Viyiz étout: