Les Pages Jèrriaises

La Bouonne Nouvelle s'lon Jean

Chapitre 15, vèrsets 18-27


Chapitre 15, vèrsets 18-25

Si l'monde vos déteste, sachiz qu'i' m'détestait d'vant vos détester. S'ou 'têtes du monde, lé monde vos aim'thait coumme des siens. Viyant qu'ou n'êtes pon du monde, mais j'vos ai chouaîsi du monde, né v'là pouortchi qu'lé monde vos déteste. Ramémouaithez chein qué j'vos dis, "Les sèrveurs n'sont pon pus hauts qu'lus maît'." S'i' m'pèrsétchutaient, i' vos pèrsétchut'tont; s'i' gardaient ma pathole, i' gardéthont la vôt' étout. Mais i' vos f'thont toutes ches choses-chîn pouor man nom, pa'ce qu'i' n'connaîssent pon l'chein tchi m'env'yit. Si jé 'tais pon v'nu lus pâler, i' n'éthaient pon d'péché, mais achteu i' n'peuvent pon lus extchûther d'lus péché. Lé chein tchi m'déteste déteste man Péthe étout. Si j'n'avais pon ag'vé entré ieux chein qu'pèrsonne d'aut' n'ag'vit, i' n'éthaient pon d'péché. Mais achteu il' ont veu et détesté et mé et man Péthe. Ch'fut à seule fîn d'accomplyi la pathole tch'est êcrite dans lus louai, "I' m'détestaient sans cause."

 

Chapitre 15, vèrsets 26-27

Quand l'Aîgue-Monde veindra, l'chein qué j'vos enviêthai du Péthe, et tch'est l'Esprit d'la connaîssance d'la véthité, i' têmouongn'na entouor mé. Et vous étout, ou têmouongn'niz viyant qu'ous avez 'té acanté mé du c'menchement.

 

Viyiz étout:

 

Les Pages Jèrriaises