Né vos troubliez pas l'esprit; ou criyez en Dgieu, criyez étout en mé.

I' y'a hardi d'appartéments dans la maîson à man Péthe; si ché n'tait pas, j'vos l'éthais dit. J'm'en vais vos prépathé la pliaiche;

et quand jé s'sai hors, et qué j'vos éthai prépather la pliaiche, jé r'veindrai, et vos prendrai auve mé, à seule fÎn que iou qu'jé s'sai, ous y séyiz étout.

Et ou savez bein où'est qué j'm'en vais, et ous en savez lé c'mîn.

Thomas lî dit: Seigneur! jé n'savons pas où'est qu'tu t'en vas; et comment qué j'pouôrrêmes en saver lé c'mîn?

Jèsû lî dit: Jé sis lé c'mîn, la véthité et la vie; pèrsonne né veint au Péthe qué par mé.

J'vos laîsse la paix; j'vos donne ma paix; jé n'vos la donne pas comme lé monde la donne. Né vos troubliez pas l'esprit, et n'ayiz pon d'peux.