Les Pages Jèrriaises

La Pathole 'tait au c'menchement

L'Êvangile sélon Saint Jean, chapitre iun, vèrsets 1 à 14

 

La Pathole 'tait au c'menchement; la Pathole 'tait auve Dgieu, et chutte Pathole 'tait Dgieu.

Ou 'tait au c'menchement auvec Dgieu.

Toute chose a 'té faite par lyi, et rein dé chein qu'a 'té fait, n'a 'té fait sans lyi.

Ch'est en lyi qu'était la vie, et la vie 'tait la leunmiéthe des hommes.

Et la leunmiéthe lit dans les ténèbres, et les ténèbres né l'ont janmais èrchue.

I' y'avait un homme, tchi s'app'lait Jean, qui fut env'yé par Dgieu.

I' vînt pour être lé têmoin d'la leunmiéthe, pour qué tous crûssent par li.

I' n'tait pas li-même la leunmiéthe, mais i' 'tait env'yé pour être têmoin à la leunmiéthe.

Ch'tait la véthitabl'ye leunmiéthe, qui êcliaithe touos les gens en v'nant au monde.

Ou 'tait dans l'monde, et l'monde a 'té fait par lyi, mais l'monde né l'a pon connue.

Oulle est v'nu siez-sé, et les siens né l'ont pon r'chu.

Mais à tous cheins qui l'ont r'chu, i' lus a donné lé drouait d'être faits êfants dé Dgieu; ch'est à dithe, ès siens qui craient en san nom;

qui n'sont pas nés du sang, ni d'la volanté d'la chai, ni d'la volanté dé l'homme, mais qui sont nés dé Dgieu.

Et la Pathole a 'té faite chai, et a vêtchu parmi nous, remplyie d'grâce et d'véthité; et j'avons veu sa glouaithe, eune telle glouaithe qu'est l'chein du Fis eunique v'nu du Péthe.

 

Viyiz étout:

 

Les Pages Jèrriaises